)
नवी दिल्ली, 26 ऑक्टोबर : हिवाळ्यात मॉइश्चर वाढतो त्यामुळे सुरुवातीच्या दिवसात बॅक्टेरिया, विषाणू, बुरशीचा धोका वाढतो. त्यामुळे विषाणूजन्य ताप, संसर्ग आदींचा धोका वाढतो. परंतु, ही अशी वेळ आहे जेव्हा शरीराच्या तापमानात बदल झाल्यामुळे शरीराला संतुलन साधण्यास वेळ लागतो. अशा स्थितीत जुनाट आजाराने ग्रस्त असलेल्या लोकांना समस्यांना सामोरे जावे लागते. अशा परिस्थितीत, तज्ज्ञ मधुमेही रुग्णांना त्यांच्या आहारात अशा गोष्टींचा समावेश करण्याचा सल्ला देतात जेणेकरुन शरीरात अचानक झालेल्या बदलांमुळे खराब झालेल्या गोष्टी संतुलित करता येतील. काही गोष्टी अशा असतात की, त्यातून हिवाळ्यात शरीराला पुरेशी ऊर्जा मिळते आणि रक्तातील साखर वाढू देत नाही. अशा परिस्थितीत मधुमेहाच्या रुग्णांनी कोणत्या गोष्टींचे सेवन करावे, हे जाणून घेणे गरजेचे आहे. मधुमेहासाठी आहार - दालचिनी चहा - EverydayHealth च्या माहितीनुसार, थंडीच्या मोसमात चहा किंवा कॉफी प्रत्येकाच्या आवडीचे पेय बनते. जर तुम्ही साखरेचे रुग्ण असाल तर दालचिनी चहा घ्या. दालचिनीमध्ये खूप कमी कर्बोदके असतात. याशिवाय यामध्ये अनेक अँटीऑक्सिडंट घटक असतात जे रक्तातील साखर कमी करण्यास मदत करतात. याशिवाय दालचिनीचा चहा हृदयाच्या रुग्णांसाठीही खूप फायदेशीर आहे. स्प्राउट्स - स्प्राउट्स म्हणजे अंकुरलेले संपूर्ण धान्य. स्प्राउट्स हे सुपर फूड आहे. त्यामुळे रक्तातील साखर झपाट्याने कमी होते. एक कप स्प्राउट्समध्ये फक्त 14 ग्रॅम कार्बोहायड्रेट्स असतात. याशिवाय यामध्ये 6 ग्रॅम डायटरी फायबर असते जे पचनशक्ती मजबूत करते. रताळे - रताळे गोड असतात. परंतु याचा अर्थ असा नाही की त्यात जास्त कर्बोदके आहेत. मधुमेहाच्या रुग्णांसाठी हे योग्य अन्न आहे. रताळ्यामध्ये फोटोकेमिकल बीटा कॅरोटीन असते जे व्हिटॅमिन ए मध्ये बदलते. त्यामुळे ते डोळे आणि त्वचेसाठीही खूप फायदेशीर आहे.
भोपळ्याच्या बिया - भोपळ्याच्या बियांमध्ये सुपर फूडचे गुणधर्म असतात. हिवाळ्यात मधुमेहींनी भोपळ्याच्या बियांचे सेवन करावे. एक कप भोपळ्याच्या बियांमध्ये कार्बोहायड्रेट नगण्य असते. त्यामुळे रक्तातील साखर कमी होण्यास मदत होते. भोपळ्याच्या बियांमध्ये हेल्दी फॅट्स असतात जे हृदयाच्या आरोग्यासाठीही फायदेशीर असतात. हे वाचा - पिंक टॅक्स काय असतो भाऊ? तो महिलांनाच का द्यावा लागतो? काजू- काजू हे मधुमेहींसाठी उत्तम ड्रायफ्रूट आहे. काजू फक्त हृदयरोगींसाठी आरोग्यदायी नसून ते रक्तातील साखरेवर नियंत्रण ठेवते. काजूमध्ये कार्बोहायड्रेट्सचे प्रमाण कमी आणि हेल्दी फॅटचे प्रमाण जास्त असते, ज्यामुळे शरीर निरोगी राहते. या सर्वांशिवाय मधुमेहाच्या रुग्णांनी खोबरेल तेल, मासे, फ्लेक्ससीड्स, चिया बिया इत्यादींचे सेवन करावे.
+6
फोटो
