20 ते 25 वर्षांच्या तरुणांनी आहारात घ्यावेत हे पदार्थ; राहाल दीर्घायुष्य निरोगी आणि तंदुरूस्त

नवी दिल्ली, 07 जून : चांगले पोषण मिळणे प्रत्येकासाठी आवश्यक आहे. आजकाल व्यग्र दिनचर्या आणि बैठी जीवनशैलीमुळे लठ्ठपणा, उच्च रक्तदाब, मधुमेह, हृदयविकार, एक्स सिंड्रोम (मानसिक समस्या) अशा विविध जीवनशैलीच्या आजारांमध्ये मोठी वाढ झाली आहे. तरुण वयात आपण अधिक स्वतंत्र होतो आणि खाण्या-पिण्याच्या सवयी बदलत जातात. खासकरून तरुण मुलं मित्रांसोबत बाहेर जातात, तेव्हा त्यांचा जास्त कॅलरी आणि फॅट्स असलेले जंक फूड खाण्याकडे कल असतो. मात्र, निरोगी राहण्यासाठी पुरेशा पोषण आहाराची तरुण वयातच काळजी (Diet Tips for youngsters) घ्यायला हवी.

फोर्टिस हॉस्पिटल (कल्याण, मुंबई) येथील क्लिनिकल आहारतज्ज्ञ श्वेता महाडिक म्हणतात की, आजचे तरुण आणि किशोरवयीन मुले दररोज जंक फूड आणि कार्बनयुक्त पेये खातात. कमी-कॅलरी आहार, चरबी-मुक्त आहार, क्रॅश डाएट (वजन कमी करण्यासाठी कमी-कॅलरी आहार) आणि उच्च-प्रथिनेयुक्त चुकीच्या आहाराचा तरुणांवर परिणाम होतो. पोषक घटकांची कमतरता आरोग्यासाठी चांगली नाही.

डॉक्टर श्वेता सांगतात, पालकांना समजत नाही की, याचा परिणाम त्यांच्या मुलांच्या भावी आयुष्यावर होऊ लागला आहे. मुलांना दिलेल्या स्वातंत्र्याचा परिणाम त्यांच्या आरोग्यावर होतो, ज्यामुळे अनेकदा वजन वाढणे, बद्धकोष्ठता, थकवा, एकाग्रता कमी होणे, स्मरणशक्ती कमजोर होणे, उच्च रक्तदाब, हृदयविकार आणि मधुमेह असे आजार कमी वयात होतात.

तरुण वयात निरोगी जीवनशैली -

लहान वयातच निरोगी जीवनशैली सुरू करणे आवश्यक आहे, कारण त्याचा परिणाम तुमच्या उर्वरित आयुष्यावर होऊ शकतो. मुलांमध्ये आहाराच्या चांगल्या सवयी लावणे, त्यांना लहानपणापासूनच शारीरिकदृष्ट्या सक्रिय करणे ही पालकांची जबाबदारी आहे. पालकांनी आपल्या मुलांना घराबाहेरील योग्य गोष्टी खाण्याविषयी शिकवले पाहिजे आणि त्यांच्या गरजेनुसार मर्यादित पॉकेटमनी द्या.

निरोगी खाण्यासाठी या टिप्स वापरा -

- निरोगी गुणधर्म आणि पुरेसे पोषण असलेले पदार्थ खा.

- आहारात संपूर्ण धान्य आणि कडधान्यांचा समावेश करा, कारण ते ऊर्जा देतात. हे फायबर आणि व्हिटॅमिन बी चे उत्कृष्ट स्त्रोत आहेत.

- भरपूर फळे आणि भाज्या खा, कारण त्यात असलेले अँटिऑक्सिडंट्स प्रतिकारशक्ती वाढवतात आणि फायबरमुळे बद्धकोष्ठता होत नाही.

- स्किम मिल्क आणि कमी चरबीयुक्त दुग्धजन्य पदार्थांचे सेवन करा, कारण ते प्रथिने आणि कॅल्शियमचे उत्कृष्ट स्त्रोत आहेत, जे आपली हाडे आणि स्नायू निरोगी ठेवतात.

- मांस आणि मांसजन्य पदार्थ मर्यादित प्रमाणात सेवन करावे, कारण त्यात चरबीचे प्रमाण जास्त आहे.

- साखरेचे पदार्थ आणि मिठाई खाण्यामध्ये संयम राखला पाहिजे, कारण ते फक्त कॅलरीच पुरवतात.

- चरबीचे पदार्थ, तेल आणि ड्रायफ्रुट (बदाम इ.) मर्यादित प्रमाणात सेवन केले पाहिजे, कारण त्यात कॅलरीज जास्त असतात, परंतु त्यामधून चरबीमध्ये विरघळणारे जीवनसत्त्वे मिळतात, जी आरोग्यासाठी चांगले असतात.

- भरपूर द्रवपदार्थ घ्या जेणेकरून तुमच्या शरीरातील पाण्याचे संतुलन राखता येईल आणि बद्धकोष्ठता दूर होईल.

हे वाचा - ही फळं 5 फ्रिजमध्ये ठेवायची चूक इथून पुढं तरी करू नका; पोषक घटक कमी होतात

20 ते 25 वर्षांच्या तरुणांचा आहार चार्ट -

सकाळी 8 - 3 सुके अंजीर + 3 खजूर, 1 कप दुधात 1 चमचा दूध पावडरमध्ये (नेस्ले मिल्क पॉवर) भिजवून खा.

सकाळी 9 - 1 केळी + भाजी उपमा / ब्राऊन ब्रेड सँडविच / मूग डाळ चिला / दही / पोहे / इडली सांभर / उत्तापा किंवा डोसा / नाचणीचे पदार्थ

सकाळी 11 - 5 बदाम + 2 अक्रोड + 4 पिस्ता + 3 काजू + 5-10 मनुके

किंवा मूठभर शेंगदाणे + केळी 1/ उकडलेले रताळे 1/ उकडलेला बटाटा 1

दुपारी 1:30 - 2 रोट्या

1 लहान वाटी भात

1 लहान वाटी पनीर / अंकुरलेली उसळ किंवा इतर भाजी

1 लहान वाटी डाळ

1 लहान वाटी ताक / मठ्ठा / 1 ग्लास गोड लस्सी

गोड 1 लहान वाटी (शीरा / कस्टर्ड / खीर / श्रीखंड)

संध्याकाळी 5 – मखना (मूठभर) / भाजलेले चणे + शेंगदाणे

संध्याकाळी 7 - 2-3 लहान सुक्या मेव्याचे लाडू / 2-3 तुकडे शेंगदाण्याची चिक्की किंवा लाडू / दाळी चिक्की किंवा राजिगरा चिक्की

हे वाचा - Monkeypox चं संक्रमण वेगानं, 'या' देशातल्या आकड्यानं वाढवली जगाची चिंता

रात्री 8:45 – सलाड (टोमॅटो/गाजर/काकडी)

2 पोळ्या

1 वाटी भात

1 वाटी उसळ किंवा इतर भाजी

1 वाटी डाळ

10:30 pm - 150 ml दूध + 1 tbsp समान दूध पावडर किंवा इतर कोणतेही प्रोटीन सप्लिमेंट (हवे असल्यास)

(सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही. काही आजार असणाऱ्यांनी आपल्या आरोग्य तज्ज्ञांचा सल्ला घ्या.)