Cooking Oil : कॅन्सर, डायबिटीज अशा अनेक आजारांना दूर ठेवते हे तेल; स्वयंपाकासाठी उत्तम पर्याय

मुंबई, 09 नोव्हेंबर : चांगल्या आरोग्यासाठी आपला आहार खूप महत्त्वाचा आहे. बदलत्या जीवनशैलीमुळे आपल्या खाण्याच्या सवयीही बदलल्या आहेत. यामुळे बऱ्याच लोकांना अनेक आरोग्य समस्यांना सामोरे जावे लागते. म्हणूनच आता काही लोक निरोगी आयुष्यासाठी त्यांच्या आहाराकडे विशेष लक्ष देत आहेत. ते त्यांच्या आहारात अनेक गोष्टी बदलत आहेत. स्वयंपाकात बिनदिक्कतपणे वापरल्या जाणाऱ्या तेलामुळे अनेक प्रकारच्या समस्या उद्भवतात. म्हणूनच आज आम्ही तुम्हाला तेलाचा एक हेल्दी पर्याय सुचवत आहोत.

हा हेल्दी पर्याय म्हणजे ऑलिव्ह ऑइल. होय, ऑलिव्ह ऑईल आपल्या शरीरासाठी खूप फायदेशीर आहे. यामध्ये अँटिऑक्सिडंट्स आणि मोनोअनसॅच्युरेटेड फॅटी अॅसिड असतात, ज्यामुळे त्याचे असंख्य आरोग्य फायदे आहेत. हे मुक्त रॅडिकल्सच्या नुकसानाशी लढण्यास मदत करते आणि अवयवांचे कार्य सुधारते. महत्वाचे म्हणजे कॅन्सरवरदेखील फायदेशीर आहे. जाणून घेऊया कसे.

महिलांना हार्ट अ‍ॅटॅक येण्यापूर्वी जाणवू शकतात ही लक्षणं; वेळीच उपचार घेतल्यास वाचेल जीव

हृदयाचे आरोग्य सुधारते

ऑलिव्ह ऑइल हृदयासाठी अत्यंत फायदेशीर आहे. हे जळजळ कमी करते, एचडीएल (गुड कोलेस्टेरॉल) वाढवते आणि शरीरातील एलडीएल (बॅड कोलेस्टेरॉल) कमी करते. तेलामध्ये असलेले पॉलीफेनॉल एलडीएल ऑक्सिडेशनला प्रतिबंध करतात, ज्यामुळे एथेरोस्क्लेरोसिस होऊ शकतो आणि परिणामी, स्ट्रोक आणि हृदयविकाराचा धोका वाढतो. ऑलिव्ह ऑइल रक्तदाब कमी करण्यासाठी देखील प्रभावी आहे.

कॅन्सर प्रतिबंध

ऑलिव्ह ऑईलमध्ये अनेक विशेष संयुगे असतात जे कॅन्सरला कारणीभूत असलेल्या पेशी नष्ट करण्याचे काम करतात. जर तुम्ही नियमितपणे ऑलिव्ह ऑइलचा आपल्या आहारात समावेश केला. तर ते कॅन्सरसारख्या गंभीर आजाराचा धोका बर्‍याच प्रमाणात कमी करते.

रक्तातील साखरेची पातळी नियंत्रित करण्यास मदत करते

तज्ञांचे म्हणणे आहे की, ऑलिव्ह ऑइल रक्तप्रवाहातून ग्लुकोजच्या शोषणास प्रोत्साहन देते आणि एकूण रक्तातील साखरेची पातळी कमी करण्यास मदत करते. याव्यतिरिक्त, ऑलिव्ह ऑइलचे दाहक-विरोधी गुणधर्म देखील मधुमेहाची तीव्रता कमी करण्यास मदत करू शकतात.

पोटाच्या समस्या कमी होतात

दररोज सकाळी एक चमचा ऑलिव्ह ऑईल प्यायल्याने आतडे ओलसर होण्यास मदत होते आणि मल वाहून जाण्यास मदत होते. अभ्यास दर्शविते की तेलामध्ये प्रतिजैविक गुणधर्म आहेत आणि हेलिकोबॅक्टर पायलोरी, पेप्टिक अल्सरचे कारक एजंट विरूद्ध प्रभावी आहे. पोटाच्या कर्करोगाचा धोका कमी करण्यासाठी ऑलिव्ह ऑइलचे नियमित सेवन देखील सुचवले जाते.

मेंदूचे कार्य सुधारते

ऑलिव्ह ऑइलचे नियमित सेवन मेंदूचे कार्य आणि आकलनशक्ती सुधारण्यासाठी उपयुक्त असल्याचे दिसून आले आहे. संशोधनात असे दिसून आले आहे की, ऑलिव्ह ऑइल मेंदूमध्ये प्लेक तयार होण्याचा धोका कमी करण्यास मदत करते आणि म्हणूनच अल्झायमरचा धोका टाळण्यासाठी ऑइलीव्ह ऑइल उपयुक्त असल्याचे सांगितले आहे.

कॅन्सर प्राणघातक आहे..! कमी वयातच या गोष्टींची काळजी घेतली तर टेन्शन फ्री राहाल

त्वचेचे आरोग्य सुधारते

ऑलिव्ह ऑइलमध्ये व्हिटॅमिन ए, ई, डी आणि के आणि स्क्वॅलीन सारख्या अँटिऑक्सिडंट्स असतात, ज्यामुळे ते तुमच्या स्किनकेअर रुटीनसाठी हे उत्तम असते. तेल तुमच्या त्वचेचे पोषण आणि मॉइश्चरायझेशन करू शकते आणि अकाली वृद्धत्वाच्या लक्षणांशी देखील लढू शकते, ज्यामध्ये बारीक रेषा, काळे डाग आणि सुरकुत्या यांचा समावेश आहे, ज्यामुळे तुम्हाला चमकदार आणि तरुण त्वचा मिळते.