ब्रिटनमधील स्ट्रेनपेक्षाही घातक कोरोना भारतात तयार होऊ शकतो; केंद्र सरकारनं केलं सावध

ब्रिटनमधील स्ट्रेनपेक्षाही घातक कोरोना भारतात तयार होऊ शकतो; केंद्र सरकारनं केलं सावध

ब्रिटनमधील कोरोनाव्हायरसनंतर (coronavirus) आता भारतातच नव्या कोरोनाव्हायरसचं संकट आहे.

  • Share this:

नवी दिल्ली, 29 डिसेंबर : ज्याची भीती वाटत होती तेच अखेर झालं. भारतातही (india) ब्रिटनमधील (britain) नवा कोरोनाव्हायरस (new coronavirus) पोहोचला. नव्या कोरोनाचे 6 रुग्ण (new corona strain) सापडले आहेत. त्यामुळे सर्वांच्या काळजात धस्सं झालं आहे.  नवा कोरोनाव्हायरस संक्रमणाचा दर हा 60 टक्के आणि त्यापेक्षा जास्त आहे अशी माहिती केंद्र सरकारनं दिली आहे. पण भारतात ब्रिटनपेक्षाही घातक असा कोरोना तयार होऊ शकतो, अशी चिंताही व्यक्त केली आहे.

केंद्र सरकारनं नव्या कोरोनाव्हायरसला रोखण्यासाठी धडपड सुरू केली आहे. व्हायरसबाबत अधिक माहिती घेऊन त्यावर नियंत्रणासाठी आणि उपचारासाठी आवश्यक ती पावलं उचलली जात आहेत. नव्या कोरोनाव्हायरसबाबत केंद्र सरकारनं पत्रकार परिषद घेतली. यात प्रमुख वैज्ञानिक सल्लागार के विजय राघवन, निती आयोगाचे सदस्य व्ही. के. पॉल, केंद्रीय आरोग्य सचिव राजेश भूषण, आयसीएमआरचे महासंचालक बलराम भार्गवा सहभागी झाले.

व्हायरसच्या स्पाइक प्रोटिनमध्ये 17 बदल झाले आहेत. त्यापैकी 8 बदल खूप महत्त्वाचे आहेत.  व्हायरसचा ज्या रिसेप्टरनं मानवी पेशीशी सोडला जातो तो नव्या कोरोनामध्ये अधिक मजबूत आहे, ज्यामुळे तो सहजरित्या संक्रमित होतो.  नव्या कोरोना पसरण्याचा दर हा 60 टक्के आणि त्यापेक्षा जास्त आहे, अशी माहिती या पत्रकार परिषदेत देण्यात आली.

आरोग्य सचिव राजेश भूषण म्हणाले, "यूकेमध्ये गेल्या 24 तासांत 40,000 नवे कोरोना रुग्ण आढळून आले आहेत आणि ही इतर देशांसाठीही चिंतेची बाब आहे. ब्रिटनमधील कोरोनाचा स्ट्रेन अधिक संसर्गजन्य आहे. त्यामुळेच कोरोनाची प्रकरणं वाढत आहेत. कोरोनाच्या इतर रूपापेक्षा हा व्हायरस वेगानं पसरतो आहे"

हे वाचा - नवा कोरोना नवी लक्षण! झपाट्याने रुग्ण वाढण्याची भीती, नवा स्ट्रेन अधिक धोकादायक

केंद्र सरकारचे प्रमुख वैज्ञानिक सल्लागार प्राध्यापक के. विजय राघवन यांनी सांगितलं, "कोरोनावरील सध्या उपलब्ध असलेल्या लशी यूके आणि आफ्रिकेतील नव्या कोरोनाशी लढण्यास सक्षम आहेत. या लशी नव्या कोरोनापासून संरक्षण देऊ शकत नाही असा कोणताही पुरवा नाही"

"या सर्व परिस्थितीतून बाहेर पडण्याचा एकमेव मार्ग म्हणजे लस. व्हायरसच्या बदलामुळे लशीच्या प्रभावावर काहीही परिणाम होणार नाही. पण त्याला थोडा वेळ लागेल. आपल्याला संयम राखावा लागेल. यावर उपचारासाठी योग्य त्या थेरेपीचा वापर करायला हवा. नाहीतर हा व्हायरस आवाक्याबाहेर जाईल", असं आयसीएमआरचे बलराम भार्गवा यांनी सांगितलं.

हे वाचा - अरे देवा! फक्त फुफ्फुसच पोखरलं नाही तर पाठीचा कणाही मोडला; मणक्यात घुसला कोरोना

"सुरुवातीलाच या व्हायरसवर नियंत्रण मिळवणं सोपं आहे. कदाचित भारतातही अधिक जीवघेण्या कोरोनाचं रूप येऊ शकतो. जो यापेक्षा जास्त घातक असेल", असं सांगत निती आयोगाचे सदस्य व्ही. के. पॉल यांनी सावध केलं आहे.

Published by: Priya Lad
First published: December 29, 2020, 5:04 PM IST

ताज्या बातम्या