)
मुंबई, 25 सप्टेंबर : खरंतर, आजी-आजोबांच्या सहवासात राहणं, त्यांच्याकडून जुन्या गोष्टी ऐकणं हा एक मजेदार अनुभव असतो. मात्र, आजच्या व्यग्र जीवनशैलीत मुलांना आजी-आजोबांसोबत राहण्यासाठी फारसा वेळ मिळत नाही. पण आजी-आजोबांसोबत राहण्याचे फायदे तुम्हाला माहीत आहेत का? त्यांच्यासोबत वेळ घालवून तुम्ही तुमचे आयुष्य अधिक समृद्ध करू शकता. आजच्या युगात, खेळ, अभ्यास आणि इलेक्ट्रॉनिक गॅझेटमध्ये व्यग्र असल्यामुळे मुलांना आजी-आजोबांसोबत वेळ घालवायला वेळ मिळत नाही. तर काही मुलांना त्यांच्या आजी-आजोबांना भेटणेही कठीण असते. मात्र, तुम्हाला हे जाणून आश्चर्य वाटेल की आजी-आजोबांसोबत राहणे तुमच्या व्यक्तिमत्त्व विकासासाठी उपयुक्त ठरू शकते. चला तर मग आम्ही तुम्हाला आजी-आजोबांसोबत राहण्याचे काही फायदे सांगतो. आजी-आजोबांसोबत वेळ घालवण्याचे फायदे - मुले सामाजिक बनतात - आजच्या बदलत्या जीवनशैलीत फक्त पालकांसोबत राहणारी मुले सहसा इतर लोकांशी जुळवून घेऊ शकत नाहीत. तर आजी-आजोबांच्या उपस्थितीमुळे मुले केवळ त्यांच्याबरोबर वेळ घालवत नाहीत तर त्यांच्या काही गोष्टींचेही पालन करतात. तसेच, सुट्टीच्या काळात आजी-आजोबांच्या घरी भेट दिल्याने मुलांना कुटुंबातील इतर सदस्यांसोबत मिसळता येते आणि सामाजिक जीवनाचा आनंद मुक्तपणे घेता येतो.
मुलांमध्ये आदराची भावना निर्माण होईल - आजी-आजोबांसोबत राहून मुलं मोठ्यांचा आदर करायला शिकतात. आजी-आजोबा अनेकदा आपल्या मुलांना माफ करून योग्य मार्ग दाखवण्याचे काम करतात. त्यामुळे मुलांची सहनशीलता वाढते. त्याच वेळी, आजी-आजोबांबरोबरच मुले सर्व मोठ्यांकडे आदराने पाहतात आणि त्यांच्या सल्ल्याकडे साफ दुर्लक्ष करत नाहीत. हे वाचा - तुमच्या हातच्या खाद्यपदार्थांनाही येईल हॉटेलस्टाईल फूडची चव; हे आहे सिम्पल मॅजिक आत्मविश्वासात वाढ - आजी-आजोबांसोबत किंवा संयुक्त कुटुंबात राहिल्याने मुलांचे मनोबल वाढते. अशा परिस्थितीत मुले प्रत्येक परिस्थितीत आनंदी राहण्याचा प्रयत्न करतात. त्याचबरोबर अडचणींना घाबरण्याऐवजी त्यांचा खंबीरपणे सामना करण्यावर त्यांचा विश्वास वाढतो. याशिवाय आजी-आजोबांसोबत राहिल्याने मुलांमध्ये समर्पण आणि सहकार्याची भावना निर्माण होते.
(सूचना : येथे दिलेली माहिती सामान्य माहितीवर आधारित आहे. न्यूज 18 लोकमत त्याची हमी देत नाही. अधिक माहितीसाठी संबधित विषयातील तज्ज्ञांचा सल्ला घ्यावा.)
+6
फोटो
