)
मुंबई, 06 ऑक्टोबर : कोणतंही छोटं-मोठं काम करताना दुखापती होणं ही एक सामान्य बाब आहे. स्वयंपाक घरात भाजीपाला कापायचा असो की मैदानात धावणे, खेळणे इ. काही काम असो. दुखापत झाल्यावर आपण सहसा पट्टी (बँडेज पट्टी) वापरतो. अनेक वेळा नकळत आपण बँडेज पट्टीचा चुकीच्या पद्धतीने वापर करतो, त्यामुळे झालेली जखम भरून येण्याऐवजी संसर्ग वाढतो आणि आपल्याला डॉक्टरांकडे जावे लागते. बँडेज पट्टीचा वापर योग्य प्रकारे कसा करावा, याविषयी जाणून घेऊया ज्यामुळे संसर्ग होणार नाही. दुखापतीवर अशा प्रकारे पट्टी वापरा - रक्तस्त्राव थांबवण्यासाठी : दुखापत खोलवर असल्यास, रक्तस्त्राव थांबवणे गरजेचे असते. यासाठी तुम्ही पहिल्यांदा बर्फ वापरू शकता. आपण कापसाच्या मदतीने रक्तस्त्राव थांबवू शकता. लक्षात ठेवा की या काळात संसर्ग होऊ नये, म्हणून जखमेच्या स्वच्छतेची काळजी घ्या. जखम साफ करा: रक्तस्त्राव थांबला की सर्वप्रथम दुखापत झालेली जागा पूर्णपणे स्वच्छ करा. यासाठी, आपण जखमेचा भाग वाहत्या पाण्याखाली दुहा आणि 1 मिनिट असेच ठेवा. संसर्ग टाळण्यासाठी मग मध्ये अँटीसेप्टिक द्रव ठेवा आणि त्याद्वारे जखम स्वच्छ करा. बँडेजची योग्य निवड: तुम्ही दुखापतीनुसार बँडेज पट्टी निवडा. जर तुमची दुखापत लहान असेल तर स्‍ट्र‍िप बँडेज वापरा. दुखापतीनुसार प्रेशर बँडेज, मोलस्किन, गॉज पट्टी इत्यादींचा वापर करता येतो. हे वाचा - हे पदार्थ खाल्ल्यास काही तासांतच वाढतील प्लेटलेट्स; डेंग्यूपासून लगेच होईल सुटका अशी लावा बँडेज: बँडेज पट्टी लावताना त्वचा हलकीशी ताणवून जखमेवर लावा. लक्षात ठेवा की, चिकटण्याचा भाग बाजूच्या त्वचेवर आणि औषधाचा भाग थेट जखमेवर यावा. बँडेज खूप घट्ट पण असू नये. बँडेजचे प्रकार: दुखापतीच्या आकारानुसार रोलर बँडेज, ट्यूबर बँडेज, ट्राय अँगल बँडेज, टेप बँडेज इत्यादी वापरा. तुम्ही ट्यूबर पट्टी टीशेप, एक्स शेप किंवा क्रिसक्रॉस शेपमध्ये कापून देखील वापरू शकता.
प्रथमोपचार महत्त्वाचे : संसर्ग टाळण्यासाठी, तुम्हाला टिटॅनसचे (टीटी) इंजेक्शन घेणे आवश्यक आहे. यासाठी तुम्ही डॉक्टरांचा सल्ला घेऊ शकता.
+6
फोटो
