)
नवी दिल्ली, 29 सप्टेंबर : सध्या मुलांच्या चांगल्या संगोपनासाठी आणि आयुष्य अधिक सुखकर करण्यासाठी आई-वडील दोघांनाही काम करावे लागते. अनेक पालकांना आपल्या मुलांना एकटे सोडावे लागते किंवा नोकरीत केअरटेकर ठेवावा लागतो. बहुतांश घटनांमध्ये असे दिसून आले आहे की, नोकरी करणाऱ्या पालकांच्या मुलांना अनेक प्रकारच्या मानसिक समस्यांना सामोरे जावे लागते. एकटे राहिल्याने मुलांना दुर्लक्षित आणि एकटं वाटू शकतं, जे मानसिक समस्यांचे एक मोठे कारण आहे. अनेक नोकरदार पालकांना त्यांच्या मुलांची ही समस्या समजत नाही. त्यामुळे अनेक प्रकारचे मानसिक विकार होऊ शकतात. लहान मुलांच्या या समस्या सर्वसामान्य आहेत. जाणून घेऊया मुलांच्या त्या लक्षणांबद्दल, ज्यावरून अशा मुलांच्या मानसिक समस्या ओळखता येतात. प्रत्येक गोष्टीवर रडणे - जेव्हा मुले मानसिकदृष्ट्या अस्वस्थ असतात तेव्हा त्यांना सर्व काही रडून सांगायला आवडतं. मेयो क्लिनिकच्या मते, जेव्हा मुलांना त्यांच्या पालकांचे लक्ष वेधून घ्यायचे असते, तेव्हा ते सर्वकाही सांगण्यासाठी रडणे पसंत करतात. मुले हा प्रकार तेव्हाच करतात जेव्हा त्यांना एकटे वाटते. जेव्हा एखादे मूल रडत बोलते तेव्हा पालकांनी त्याच्या समस्यांकडे लक्ष दिले पाहिजे. स्वतःशी बोलणे - नोकरी करणाऱ्या पालकांची मुले कधीकधी डिप्रेशनमध्ये जातात. नोकरी करणारे पालक जेव्हा कामात व्यग्र असतात, तेव्हा ते मुलाला योग्य वेळ देऊ शकत नाहीत. काही वेळा पालकांना मुलांशी बोलायलाही वेळ मिळत नाही. अशा स्थितीत मूल स्वतःशीच बोलू लागते, हे नैराश्याचे महत्त्वाचे कारण आहे. हे वाचा - कधी करू शकतो गर्भपात; अबॉर्शनसाठी कोणती पद्धत असते सुरक्षित? खाण्याच्या सवयींमध्ये बदल - जेव्हा मानसिक समस्या असते, तेव्हा मुलांच्या खाण्याच्या सवयींमध्ये बदल होतो. या स्थितीत अनेक मुलं गरजेपेक्षा जास्त खाऊ लागतात, तर काही मुलं खाण्यापिण्याकडे पूर्णपणे दुर्लक्ष करतात. दोन्ही परिस्थिती मुलांसाठी धोकादायक असू शकतात. हे वाचा - हेअर ट्रान्सप्लांटमुळे तरुणाचा मृत्यू ; दिल्लीत घडली विचित्र घटना झोपेचा त्रास - जेव्हा मूल झोपेत घाबरते किंवा जास्त वळणे घेत राहते, तेव्हा समजून घ्या की मुलाला झोपेत काही समस्या आहे. मानसिकदृष्ट्या अस्वस्थ मुलांना गाढ झोप घेता येत नाही. ते घाबरून जागे होऊ शकतात किंवा झोपेत कुरकुर करू लागतात. अनेक कळती मुले झोपेतही बेड ओले करू शकतात.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
