जैन इमामने आपल्या सोशल मीडिया अकाऊंटवर एक पोस्ट शेयर केली आहे. त्यामध्ये त्याने आपल्या भावाच्या निधनाची दु:खद बातमी दिली आहे. त्यासोबतच त्याने आपल्या भावासोबत काही फोटोदेखील पोस्ट केले आहेत. फोटो पोस्ट करत जैननं सांगितलं, "कोरोनामुळे माझ्या चुलत भावाने या जगाचा निरोप घेतला आहे. तो आमच्या सर्वांमध्ये मोठा भाऊ होता. (हे वाचा - धक्कादायक! कोरोना बळींचं सत्र सुरूचं, 'बापमाणूस' फेम अभिलाषा पाटीलचं निधन... ) जैन भावुक होत म्हणतो, "आम्हा सर्व भावंडांमध्ये कुक्कु भाऊ (सईद ताकी इमाम) सर्वात मोठा होता. आम्ही सर्वजण त्याला प्रेमाने कुक्कु असं म्हणत असे. त्याने आमच्या मनामध्ये एक खास स्थान निर्माण केलं आहे. त्याला आमच्या सगळ्यांकडून शेवटचा निरोप. आम्हाला अजिबात वाटलं नव्हतं की तू इतक्या लवकर आम्हाला सोडून निघून जाशील. आम्हाला खात्री होती की तू लवकर बरा होऊन घरी परतशील मात्र देवाला काही वेगळच हवं होतं. तू प्रत्येकाला हवाहवासा वाटणारा व्यक्ती आहेस. ही पोस्ट त्या अमूल्य आठवणींचा उजाळा आहे. ज्या तुझ्याशी निगडीत आहेत. इंडस्ट्रीने एक उत्तम कवी, लेखक आणि वक्त्याला गमावलं आहे. 10 दिवसांपूर्वीच मोठ्या आईने जगाचा निरोप घेतला होता. वाटलं होतं तू यातून लढा देऊन आमच्याकडे परत येशील, मात्र असं नाही झालं. तू नेहमीच आठवणीत राहशील" (हे वाचा - कोरोनाने हिरावले वडील, सलमान खानने घेतली 18 वर्षीय मुलाची जबाबदारी ) चारू मलिकपासून पूजा चोप्रापर्यंत अनेक कलाकारांनी जैनला आधार देत कमेंट केल्या आहेत आणि जैनच्या भावाला श्रद्धांजली वाहिली आहे.View this post on Instagram
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Corona patient, Coronavirus, Entertainment, Instagram post, Tv actor