Home /News /entertainment /

The Kashmir Files नंतर आता कंगनासह विवेक अग्निहोत्री करणार सिनेमा, लवकरच होणार घोषणा?

The Kashmir Files नंतर आता कंगनासह विवेक अग्निहोत्री करणार सिनेमा, लवकरच होणार घोषणा?

द काश्मीर फाइल्स या सिनेमाने बॉक्स ऑफिसचे सर्व रेकॉर्ड मोडले आहेत. दरम्यान या सिनेमानंतर दिग्दर्शक विवेक अग्निहोत्रींचा पुढील प्रोजेक्ट कोणता असणार याची उत्सुकता चाहत्यांना आहे. दरम्यान त्यांचा नवा प्रोजेक्ट बॉलिवूड क्वीन कंगना रणौतसह असण्याची शक्यता आहे

पुढे वाचा ...
    मुंबई, 18 मार्च: द काश्मीर फाइल्स या सिनेमाने बॉक्स ऑफिसचे सर्व रेकॉर्ड मोडले आहेत. दरम्यान या सिनेमानंतर दिग्दर्शक विवेक अग्निहोत्रींचा पुढील प्रोजेक्ट कोणता असणार याची उत्सुकता चाहत्यांना आहे. दरम्यान त्यांचा नवा प्रोजेक्ट बॉलिवूड क्वीन कंगना रणौतसह असण्याची शक्यता आहे. दिग्दर्शक विवेक अग्निहोत्री लवकरच एका नव्या प्रोजेक्टवर काम करायला सुरुवात करणार आहेत, आणि मीडिया अहवालानुसार ते पुढील सिनेमा अभिनेत्री कंगना रणौतसह करू शकतात. या दोघांमधील बातचीत प्राथमिक टप्प्यात असून पुढील बोलणी झाल्यास काही महिन्यातच या सिनेमाची घोषणा होऊ शकते. बॉलिवूड हंगामाने याविषयी वृत्त दिले आहे. एका सूत्रांच्या हवाल्याने या मीडिया अहवालात असे नमुद करण्यात आले आहे की, विवेक अग्निहोत्री काही आयडियाजवर काम करत आहेत. या संदर्भात त्यांचे बोलणे सुरू आहे. अभिनेत्री देखील विवेक अग्निहोत्री यांच्यासह काम करण्यास उत्सुक आहे.
    या सूत्रांकडून मिळालेल्या माहितीनुसार विवेक अग्निहोत्री आणि कंगना रणौत यांची बाँडिंग चांगली आहे, दोघांची आयडियोलॉजी देखील सारखीच आहे. या दोघांमधील बातचीत प्राथमिक टप्प्यात असून सर्व काही व्यवस्थित झाल्यास अधिकृत घोषणाही केली जाईल. या दोघांच्या काहीच मीटिंग्स झाल्या आहेत. हे वाचा-The Kashmir Files मध्ये शारदा पंडित साकारणारी भाषा सुंबली आहे तरी कोण? द काश्मीर फाइल्स हा सिनेमा बॉक्स ऑफिसवर धमाल करत आहे. बॉलिवूड बिझनेस अनालिस्ट तरन आदर्श यांनी दिलेल्या माहितीनुसार, द कश्मीर फाइल्स प्रदर्शनानंतर आठव्या दिवशी देशभरात 4000 स्क्रीन्सवर दाखवण्यात येत आहे, पहिल्या दिवशी या सिनेमाला 630+ स्क्रीन मिळाले होते. ही वाढ लक्षणीय आहे. दरम्यान द कश्मीर फाइल्सने पहिल्याच आठवड्यात 97.30 कोटी रुपयांची कमाई केली आहे, या सिनेमाने नवा रेकॉर्ड केला आहे. तरन आदर्श यांनी केलेल्या पोस्टनुसार कोणत्याही मिड-रेंज हिंदी सिनेमाने अशाप्रकारचा ट्रेड कधीच पाहिला नव्हता. या सिनेमाचे बुकिंग्स रॉकिंग असल्याचेही ते म्हणाले.
    View this post on Instagram

    A post shared by Taran Adarsh (@taranadarsh)

    दरम्यान अभिनेत्री कंगना रणौत हिने देखील विवेक अग्निहोत्रींच्या द कश्मीर फाइल्सचे कौतुक करत बॉलिवूडकरांवर टीका केली होती. तिने असं म्हटलं होतं की, 'सिनेमाच्या टीमचे खूप अभिनंदन. त्यांनी मिळून संपूर्ण चित्रपटसृष्टीने केलेली पापे धुवून काढली आहेत. बॉलीवूडची पापे धुवून काढली आहेत. एवढा चांगला चित्रपट बनला आहे आणि हा चित्रपट कौतुक करण्याजोगाच आहे, असं असताना इंडस्ट्रीतील लोक आपल्या बिळात उंदरांसारखे लपले आहेत त्यांनी बाहेर येऊन या चित्रपटाचे प्रमोशन करावे. ते केवळ बकवास चित्रपटांना प्रोत्साहन देतात.'
    Published by:Janhavi Bhatkar
    First published:

    पुढील बातम्या