• Home
  • »
  • News
  • »
  • entertainment
  • »
  • शाहरुखच्या वाढदिवसानिमित्त किरण माने यांनी दिली भली मोठी यादी..

शाहरुखच्या वाढदिवसानिमित्त किरण माने यांनी दिली भली मोठी यादी..

आज शाहरूखचा वाढदिवस आहे. यानिमित्त मराठमोळा अभिनेता किरण माने (kiran mane)यांनी शाहरूखने आजवर केलेल्या सामाजिक कामांचा आढावा देत तो किती चांगला आहे याची भली मोठी यादीच दिली आहे.

  • Share this:
    मुंबई,2 नोव्हेंबर- क्रुझ पार्टी प्रकरणी अभिनेता शाहरुख खान (shahrukh khan birthday) याचा लेक आर्यन खानला (aryan khan) अटक झाल्यापासून तो तरूंगातून बाहेर येईपर्यंत हे प्रकरण चांगलंच चर्चेत आहे. आज शाहरूखचा वाढदिवस आहे. यानिमित्त देशभरातून त्याच्यावर शुभेच्छाचा वर्षाव होत आहे. यानिमित्तच मराठमोळा अभिनेता किरण माने (kiran mane)यांनी शाहरूखने आजवर केलेल्या सामाजिक कामांचा आढावा देत तो किती चांगला आहे याची भली मोठी यादीच दिली आहे. आर्यन वर झालेल्या अटकेवर आजवर कुठलीही प्रतिक्रिया शाहरुख खानने दिली नसली तरीही बॉलिवूड आणि राजकीय मंडळी त्याची पाठराखण करताना दिसत आहेत.ही किरण माने यांची ही पोस्ट सोशल मीडियावर चर्चेत आहे. किरण माने यांनी फेसबुक पोस्ट करत म्हटलं आहे की, आपन ऐर्‍यागैर्‍यांना डोक्यावर घेत नाय भावांनो ! ह्यो किरण माने सातारी मातीतला हाय.. उगं कुना लुंग्यासुंग्याची उगाच तळी उचलून धरनार्‍यातला नाय ! समोर मानूसच डोंगराएवढा हाय… त्याची का स्तूती करनार नाय सांगा? त्यो मानूस समाजासाठी काय-काय करतो हे जर सांगीतलं, तर त्याची निंदा करनार्‍याचंबी डोळं पांढरं व्हत्याल.. सगळा पिच्चर नाय सांगत..फक्त ‘ट्रेलर’ सांगतो.. ऐकाच.. ॲसिड ॲटॅक झालेल्या महिलांवर उपचार करनं.. त्यांच्या विद्रुप झालेल्या चेहर्‍यावर स्वखर्चानं प्लॅस्टिक सर्जरीसारखी महागडी ऑपरेशन्स करनं.. त्यांच्यावर मानसिक उपचार करुन त्यांच्या मनाला उभारी देनं..आणि त्यांना स्वत:च्या पायांवर उभं रहान्यासाठी सगळी आर्थिक मदत करनं.. ही सगळी कामं तो गेली कित्येक वर्ष करतोय.. ! खायचं काम नाय भावांनो.. आपल्या आईवडिलांच्या आठवनीसाठी नानावटी हाॅस्पीटलात त्यानं लहान मुलांच्या कॅन्सरवरच्या उपचारांसाठी एक वाॅर्ड उभा केलाय, ज्यासाठी तो सतत लै मोठ्ठी आर्थिक मदत करत असतो ! 2012 साली त्यानं देशभरातली 12 खेडेगांवं दत्तक घेतली. तिथं स्वखर्चानं वीज-पाणी-शाळा आणि औषधं अशा सुविधा उपलब्ध करून देन्याचं काम त्यानं केलं. अजूनबी तिथं नवनविन सोयीसुविधा उपलब्ध करून देन्याचं काम तो आजतागायत करतोय ! 2008 साली बिहार पूरग्रस्तांच्या मदतीसाठी त्यानं जगभर लाईव्ह काॅन्सर्टस् करून 30दशलक्ष रूपये जमा करुन दिले ! “2015मध्ये चेन्नई पूरग्रस्तांसाठी 1 कोटी रूपये.. 2013मध्ये उत्तराखंड पूरग्रस्तांसाठी 33 लाख रूपये.. तर डाॅ. मनमोहन सिंग यांच्या ‘त्सुनामी रिलिफ फंड’साठी 25 लाख रूपये त्यानं स्वत:च्या खिशातून दिले ! एक पत्रकार त्याची मुलाखत घेऊन परत जात असताना, त्या पत्रकाराचा ॲक्सीडेंट झाला.. तो गंभीर जखमी झाला. मृत्यूशी झुंज सुरू झाली, अशावेळी त्या पत्रकाराचा बरा होईपर्यन्तचा सगळा हाॅस्पीटल खर्च त्यानं उचलला, जो दर दिवशी २ लाख रूपये होता ! भारतभरातल्या झोपडपट्ट्यांमधल्या लहान मुलांच्या छोट्या-मोठ्या इच्छा-स्वप्न पूर्ण करणार्‍या ‘मेक अ विश फाऊंडेशन’ या समाजसेवी संस्थेबरोबर तो काम करतो ! 2009मध्ये ओरीसामधल्या 7 खेडेगांवांमध्ये त्यानं स्वखर्चानं सोलर इलेक्ट्रिसीटी प्रोजेक्ट सुरू केले, ज्यामुळे स्वातंत्र्यानंतर तब्बल 61 वर्षांनंतर त्या गांवांमध्ये ‘लाईटस्’ आले ! I.P.L. सिझन 7 मध्ये त्याची टीम विजेता ठरली. बक्षिस म्हनून 15कोटी रूपये मिळाले. ती सगळीच्या सगळी रक्कम त्यानं मुंबई आणि कलकत्त्यामधील गरीब कॅन्सर पेशंटस् वरील उपचारांसाठी दान करून टाकली ! महाराष्ट्रातल्या आत्महत्या केलेल्या शेतकर्‍यांच्या कुटूंबीयांसाठी त्यानं जगभर काॅन्सर्ट करुन कोट्यावधी रूपये उभे केले तर इंडीयन आर्मीमधील जवानांसाठी 7कोटी रूपये दिले ! वाचा : HBD: इतक्या पैशांमध्ये न्यूड सीन देशील का?करणच्या प्रश्नावर असं होतं शाहरुखचं मधल्या काळात त्यानं स्वत:चं चार मजली ऑफीस बीएमसी ला दिलं. लाॅकडाऊनमध्ये मुंबईत 1000 गरीब कुटूंबांना तेल, पीठ, तांदूळ, डाळ इत्यादी सामान पुरवलं. अगदी हातावर पोट असलेल्या २००० लोकांना रोज ताजं अन्न दिलं. बंगालमधल्या अतिशय दुर्गम खेड्यापाड्यांमध्ये जाऊन राशन पुरवलं. अशी लै लै कामं हायेत गड्याहो, मला अशा कमीतकमी दहा पोस्टस् कराव्या लागत्याल यवढी !! लक्षात ठेवा, ह्यो किरन माने कुठल्याबी मानसाला नीट पारखतो ‘काम’ बघून ‘सलाम’ करतो..! या त्याच्या कामांची जगभर दखल घेतली गेलेली हाय बरं का, त्यानं केलेल्या समाजोपयोगी कार्यासाठी त्याला जर्मनीमध्ये झालेल्या20  व्या युनेस्को ॲवाॅर्डस् मध्ये स्पेशल ॲवाॅर्ड देऊन सन्मानित करन्यात आलंय. वाचा : हुमा कुरैशीला हॅलोवीन पोस्ट पडली महागात; सोनाक्षी सिन्हाने दिली कायदेशीर नोटीस.. साऊथ कोरीयानं त्याला ‘गुसाठी स्पेशल डाॅक्टरेट देन्यात आलीय. तो फक्त अभिनयातला ‘बादशाह’ नाय, तर ‘मानूस’ म्हनून बी ‘किंग’ हाय ! सलाम शाहरूख खान कडकडीत सलाम !! कुठल्याबी सच्च्या भारतीयाला तुझा अभिमानच वाटंल.. तुला वाढदिवसाच्या मनाच्या तळापास्नं शुभेच्छा भावा !!..., अशी काहीशी पोस्ट किरण माने यांनी लिहिली आहे.
    Published by:News18 Trending Desk
    First published: