)
मुंबई, 3 नोव्हेंबर : बॉलिवूडचे पॉवर कपल म्हणून अभिनेत्री दीपिका पादुकोण आणि अभिनेता रणवीर सिंह ओळखले जातात. दोघेही कायमच कपल्स गोल्स देताना दिसतात. मात्र दीपिका पादुकोण आणि रणवीर सिंह यांच्यातील मतभेदाच्या बातम्यांनी मध्यंतरी जोर पकडला होता. दोघेही विभक्त होणार असल्याचं चर्चा चांगल्याच रंगल्या होत्या. या फक्त अफवाच होत्या. आता अफवांपासून दूर हे कपल एकत्र क्वालिटी टाईम घालवत असल्याचं समोर आलं आहे. रणवीर सिंहने त्याच्या इन्स्टाग्रामवर एक स्टोरी शेअर केली होती ज्यामध्ये दोघेही एकत्र वेळ घालवताना दिसले. रणवीर सिंहने त्याच्या अधिकृत इन्स्टाग्रामच्या स्टोरीवर एक व्हिडीओ शेअर केलाय. ज्यामध्ये दोघेही बोट राईडचा आनंद घेताना दिसत आहेत. रणवीरने दीपिकाचा छोटासा व्हिडीओ शेअर करत तिला ‘क्युटी’ म्हटलं. रणवीर-दीपिकाचा हा व्हिडिओ चाहत्यांमध्ये चांगलाच पसंत केला जात आहे. सोशल मीडियावर दोघांच्या फॅन पेजवरही हा व्हिडिओ शेअर केला जात आहे. याशिवाय व्हिडीओचे काही स्क्रीनशॉटही सोशल मीडियावर व्हायरल होत आहे. रणवीर आणि दीपिकाला एकत्र आनंदी पाहून दोघांमध्ये सगळं काही ठीक असल्याचं दिसत आहे.
रणवीर सिंह आणि दीपिका पादुकोण यांनी 2018 मध्ये लग्न केले होते. दोघांचं लग्न बी-टाऊनमध्ये चांगलाच चर्चेचा विषय ठरला. मात्र गेल्या काही काळात त्यांच्यामध्ये काही अलबेल नसल्याच्या चर्चा होत्या. दोघांनीही एकमेकांविषयी पोस्ट टाकत आणि मुलाखतीत बोलत या अफवा फेटाळल्या होत्या. यामुळे त्यांचे चाहतेही चांगलेच चिंतेत आले होते. मात्र दोघांना एकत्र पाहून त्यांचे चाहते आनंदी आहेत.
दरम्यान, वर्क फ्रंटबद्दल बोलायचे झाले तर रणवीर सिंग ‘सर्कस’ या चित्रपटात पूजा हेगडे आणि जॅकलिन फर्नांडिससोबत दिसणार आहे. हा चित्रपट यावर्षी डिसेंबरमध्ये थिएटरमध्ये दाखल होणार आहे. ‘सर्कस’ व्यतिरिक्त तो करण जोहरच्या ‘रॉकी और रानी की प्रेम कहानी’मध्ये आलिया भट्टसोबत स्क्रीन शेअर करणार आहे. दुसरीकडे, दीपिका पादुकोणचे अनेक मोठे चित्रपट पाइपलाइनमध्ये आहेत. ती शाहरुख खानसोबत ‘पठाण’मध्ये स्क्रीन शेअर करणार आहे. याशिवाय ती तिच्या पुढच्या प्रोजेक्टची शूटिंग करत आहे ज्यात प्रभास आणि अमिताभ बच्चन देखील आहेत. ‘द इंटर्न’च्या हिंदी रिमेकमध्येही दीपिका दिसणार आहे.
+6
फोटो
