Video: शिल्पा शेट्टीला चाहत्यांचं समर्थन; घरी फुलं पाठवून दिला धीर

मुंबई 24 जुलै : बॉलिवूड अभिनेत्री शिल्पा शेट्टीचा (Shilpa Shetty) पती राज कुंद्रा (Raj Kundra) मोठ्या अडचणीत सापडला आहे. अश्लील व्हिडिओ बनवून मोबाइल अॅप्सच्या माध्यमातून त्याचा प्रसार करण्याच्या आरोपाखाली मुंबई पोलिसांच्या क्राइम ब्रांचने (Mumbai Police Crime Branch) कुंद्राला अटक केली आहे. राज कुंद्राच्या या प्रकरणामुळे शिल्पा शेट्टीही अडचणीत आली आहे. मुंबई पोलिसांनी याबाबत तिचीही चौकशी सुरू केली आहे. (Shilpa Shetty interrogation) या सगळ्यामध्ये शिल्पा शेट्टीचे फॅन्स मात्र तिच्या समर्थनार्थ उभे असल्याचे दिसून येत आहे. (Fans support Shilpa shetty)

पॉर्नोग्राफिक फिल्म्स बनवल्याच्या आरोपाखाली राज कुंद्रा सध्या पोलीस कोठडीमध्ये आहे. शिल्पा शेट्टीच्या समर्थनार्थ तिचे फॅन्स त्यांच्या घराबाहेर गर्दी करताना दिसून येत आहेत. असाच एक चाहता फुलांचा गुच्छ घेऊन तिच्या घरासमोर हजर झाला होता. सेलिब्रिटी फोटोग्राफर असलेल्या विरल भयानी यांनी याबाबतचा व्हिडिओ आपल्या ऑफिशिअल इन्स्टाग्राम हँडलवरून शेअर केला आहे.

राज कुंद्राला बसणार ED चा दणका; परदेशातील आर्थिक व्यवहारांची होणार चौकशी

View this post on Instagram

A post shared by Viral Bhayani (@viralbhayani)

अभिनेत्रीनं केली पोलीस तक्रार; राज कुंद्रामुळे मिळत होती जीवे मारण्याची धमकी

शिल्पा शेट्टीच्या घराबाहेर चाहत्यांची गर्दी असल्याचं या व्हिडिओमध्ये दिसून येत आहे. यासोबतच तिच्या घराबाहेर पोलीसही तैनात असलेले दिसून येत आहेत. यातच एक चाहता शिल्पासाठी पुष्पगुच्छ घेऊन उभा आहे. हा व्हिडिओ सध्या सोशल मीडियावर व्हायरल होत असून, कित्येक नेटिझन्स या चाहत्याचं कौतुक करत आहेत. तसंच, कित्येक नेटिझन्स या चाहत्याची टरही उडवताना दिसून येत आहेत.

अश्लील व्हिडिओ बनवल्याप्रकरणी राज कुंद्राला अटक (Raj Kundra Arrest) केल्यानंतर गेल्या शुक्रवारी मुंबई पोलिसांचं एक पथक शिल्पा शेट्टीच्या घरी पोहोचलं होतं. पोलीस या प्रकरणी शिल्पा शेट्टीचीही चौकशी करत आहेत. शुक्रवारी तिची सहा तास चौकशी करण्यात आली. तसंच, या प्रकरणी त्यांच्या जुहूमधल्या बंगल्याची झडतीही घेण्यात आली होती.

दरम्यान, याप्रकरणी मुख्य आरोपी असलेल्या राज कुंद्रा याचे ‘उमेश कामत’ (Umesh Kamat) नावाच्या व्यक्तीसोबतचे चॅट्स पोलिसांना मिळाले आहेत. तो उमेश कामत कुंद्राचा माजी पीए होता. चॅट्समध्ये पैशांच्या व्यवहाराबाबत बोलणी झाली होती. यामुळे उमेश कामत असं नाव असलेला प्रसिद्ध मराठी अभिनेत्याला मात्र विनाकारण त्रास सहन करावा लागत आहे. राज कुंद्रा याच्याशी आपला कोणताही संबंध नसून, त्याच्यासोबत बोलणारी उमेश कामत नावाची दुसरीच व्यक्ती असल्याचा खुलासा या अभिनेत्याने केला आहे. कोणतीही शहानिशा न करता बातम्यांमध्ये आपला फोटो वापरणाऱ्यांविरुद्ध अब्रूनुकसानीचा दावा ठोकणार असल्याचं अभिनेता उमेश कामतने सांगितलं आहे.