• Home
  • »
  • News
  • »
  • entertainment
  • »
  • 'कालपासून रमाची खूप आठवण येतेय' ; जितेंद्र जोशीची दिवाळीनिमित्त भावूक पोस्ट

'कालपासून रमाची खूप आठवण येतेय' ; जितेंद्र जोशीची दिवाळीनिमित्त भावूक पोस्ट

मराठमोळा अभिनेता जितेंद्र जोशी (jitrendra joshi )याने दिवाळीनिमित्त एक खास पोस्ट सोशल मीडियावर शेअर केली आहे. त्याने आजीच्या आठवणीत रमा , मी आणि दिवाळी...ही खास पोस्ट लिहिली आहे.

  • Share this:
    मुंबई,3 नोव्हेंबर- सगळीकडे (diwali 2021 )धुमधाम सुरू आहे. प्रत्येकजण दिवाळीचा फराळ , अंगणातील रांगोळी असे विविध फोटो सोशल मीडियावर शेअर करत आहेत. यात आपले सेलेब्स देखील मागे नाहीत. दिवाळीसाठी खास सजून काहीजण फोटो शेअर करत आहेत तर काहीजण दिवाळीच्या बालपणीच्या आठवणी सोशल मीडियावर शेअर करताना दिसत आहेत. नुकताच मराठमोळा अभिनेता जितेंद्र जोशी (jitrendra joshi )याने देखील दिवाळीनिमित्त एक खास पोस्ट सोशल मीडियावर शेअर केली आहे. त्याने आजीच्या आठवणीत रमा , मी आणि दिवाळी...ही खास पोस्ट लिहिली आहे. जितेंद्र जोशीने इन्स्टावर आजीसाठी रमा , मी आणि दिवाळी ही पोस्ट करत म्हटलं आहे की, आज दिवाळी चा दुसरा दिवस! खरंतर कालपासून रमाची माझ्या आजीची खूप आठवण येतेय. दिवाळी येण्यापूर्वी आमचं छोटं गरीब घर रमा आणि तिच्या मुलांच्या मेहनतीने घासून पुसून दर 4-5 वर्षात स्वहस्ते रंग देऊन लख्ख व्हायचं आणि फराळाची तयारी सुरू व्हायची. घरात बाहेरून विकतचा फराळ तेव्हा आणला जात नसे. चकल्या, लाडू, करंजी, अनारसे, शेव वगैरे जे जे असतं ते सगळं ती आणि माझी आई, मोठी मामी बनवायची आणि मग चिवडा बनवताना त्यात टाकायला म्हणून बाजूला ठेवलेले शेंगदाणे आणि खोबरं खाल्लं की तिचा मार मिळायचा . घरातला फराळ तयार झाला की आधी तो शेजारी पाजारी नेऊन द्यायचा आणि दिवाळीत दररोज घराबाहेर रांगोळी काढली जायची म्हणून जमीन सारवायला शेण आणायची जबाबदारी माझी असायची. वाचा : ख़ुशी कपूरने लेहेंग्यामध्ये केलं फोटोशूट; PHOTO मध्ये दिसला सिक्रेट टॅटू वर्षात एक नवीन शर्ट पँट मिळायची ती दिवाळी ला ती घालून वाड्यात सर्वाँना नमस्कार करायला ती पाठवायची. रमा सर्व आल्या गेल्या पाहुण्यांची सरबराई तर करायचीच परंतु मला घेऊन असंख्य नातेवाईकांकडे घेऊन जायची. पहिल्या घरात गेल्यावरच इतका फराळ मी खायचो की शेवटच्या घरी केवळ एखादा लाडू किंवा चकली पोटात जायची. आमच्या घराने छोटे छोटे असंख्य उद्योग केले त्यात होलसेल चे फटाके आणून सुटे विकणे , आकाशकंदील तयार करून ते विकणे वगैरे गोष्टीत आमच्या सोबत ती सुद्धा असायची. स्वस्थ बसणं तिच्या प्रकृती मध्ये नव्हतं. तत्पर , उर्जावान, रसिक , हौशी अशा अनेक शब्दांचे अर्थ तिच्या ठायी आनंदाने नांदत आणि खरे ठरत होते.
    29 एप्रिल 2021 रोजी तिचं निधन झालं . तिच्या हाताच्या लापशी प्रमाणेच गोड आवाजात " जितू happy diwali" असं म्हणून येणारा फोन आता येणार नाही. माझी रेवा जन्माला आली त्यानंतरच्या एका दिवाळीला ती माझ्याकडे होती तेव्हा मी रेवाच्या पावलांना कुंकू लावून त्याचे ठसे घेऊन लक्ष्मी पूजन केल्याचं तिला कोण कौतुक होतं!! कालपासून अनेक लोकांचे मेसेज , फोन सुरू झाले दिवाळीच्या शुभेच्छांचे पण खरं सांगू माझ्या आयुष्यातला सौम्य माया पाझरणारा दिवा विझला त्यामुळे थोडं सुनं सुनं वाटतंय. वाचा : अनुष्का-विराटच्या लेकीला मिळालेल्या रेपच्या धमकीवर संतापला अभिनव शुक्ला; ट्विट.. तिला दम्याचा त्रास असल्याने फटाक्यांचा वास घरात नको म्हणून खिडक्या लावून घेणारे आम्ही आज खिडक्या उघड्या ठेवून बसलोय बाहेरचे दिवे पहात.दरवर्षी तुळशीचं लग्न लागलं की लक्ष्मीपूजन झाल्यानंतर शिल्लक राहिलेला ऊस मी आणि ती दोघे बसून खायचो. इतका जास्त की नंतर तोंड येत असे. ती माझ्यासाठी एक मारवाडी म्हण नेहमी म्हणायची की" गेली सासरे जावे नई और जावे तो पाच्छी आवे नई"म्हणजे वेडी मुलगी सासरी जातंच नाही आणि गेली तर परत माघारी येतही नाही. आज समजतंय मला.. #रमाच्यागोष्टी #jitukinani...अशी काहीशी दिवाळीची आठवण जितेंद्र जोशीने दिवाळीनिमित्त शेअर केली आहे.
    Published by:News18 Trending Desk
    First published: