'RRR'च्या चाहत्यांसाठी बॅड न्यूज, सिनेमाच्या रिलीज डेटबाबत निर्मात्यांनी घेतला मोठा निर्णय

मुंबई, 1 जानेवारी- दिग्दर्शक एसएस राजामौली (SS Rajamouli) यांच्या बाहुबली (Director of Bahubali) चित्रपटाने भारतीय चित्रपट सृष्टीची परिभाषा बदलली होती. त्यांच्या दोन्ही चित्रपटांनी प्रेक्षकांच्या मनात अधिराज्य गाजवलं होतं. त्याचबरोबर बाहुबली चित्रपटाला राष्ट्रीय पुरस्कारही मिळाला होता. अशा या दिग्दर्शकाचा 'RRR' हा सिनेमा (RRR Movie) गेल्या अनेक दिवसांपासून चाहत्यांची उत्कंठा वाढवत आहे.'RRR'मध्ये सुपरस्टार राम चरण रामचरण (Ram Charan) आणि ज्युनियर एनटीआर (Jr NTR) मुख्य भूमिकेत आहेत. या चित्रपटात बॉलिवूड अभिनेत्री आलिया भट्टही (Alia Bhatt) महत्त्वाच्या भूमिकेत असून, ती सीतेच्या भूमिकेत दिसणार आहे. मल्टिस्टारर चित्रपट पाहण्यासाठी देशभरातील प्रेक्षक आतुरतेने वाट पाहत आहेत. मात्र चाहत्यांसाठी एक बॅड न्यूज आहे. कारण निर्मात्याने कोरोनामुळे चित्रपटाची रिलीज डेट पुढे ढकल्याची घोषणा केली आहे. ओमिक्रॉन व्हायरसचा (Omicron Virus) वाढता धोका लक्षात घेऊन अनेक राज्यांमध्ये चित्रपटगृहे बंद करण्यात आल्याचे निर्मात्यांचे म्हणणे आहे. त्यामुळे चित्रपटाच्या प्रदर्शनाची तारीख पुढे ढकलण्यात आली आहे. मात्र, निर्मात्यांनी अद्याप नवीन तारीख जाहीर केलेली नाही. हा चित्रपट 7 जानेवारी 2022 रोजी रिलीज होणार होता.

Keeping the best interests of all the involved parties in mind, we are forced to postpone our film. Our sincere thanks to all the fans and audience for their unconditional love. #RRRPostponed #RRRMovie pic.twitter.com/JlYsgNwpUO

— RRR Movie (@RRRMovie) January 1, 2022

'RRR'च्या निर्मात्यांनी सोशल मीडियावरू यासंदर्भात माहिती दिली आहे. पोस्ट शेअर करताना त्यांनी कॅप्शनमध्ये लिहिले आहे की, “सर्व लोकांचे हित लक्षात घेऊन आम्हाला आमचा चित्रपट पुढे ढकलण्याशिवाय काहीच पर्याय नाही. आमच्यावर न थक्कता प्रेमाचा वर्षाव केल्याबद्दल सर्व चाहत्यांचे मनपूर्वक आभार. यासोबत त्यांनी एक पोस्ट देखील शेअर केली आहे. यामध्ये म्हटले आहे ती, आम्ही खूप प्रयत्न केले मात्र शेवटी परस्थिती आमच्या हातात नाही. कारण काही राज्यांमध्ये चित्रपटगृहे बंद करण्यात आली आहेत. त्यामुळे आमच्याकडे देखील कोणाताच पर्याय नाही. योग्य वेळी आम्ही परत येऊ. वाचा- Bold & Beautiful क्रिती सेनन; अभिनेत्रीच्या नव्या फोटोशूटवर खिळल्या नजरा चित्रपटाच्या प्रमोशनसाठी निर्मात्यांनी खूप पैसा लावला होता. मागच्या काही दिवसांपासून सिनेमाचे प्रमोशोन जोरदार सुरू आहे. अनेक हिंदी शोमध्ये यामधील कलाकार प्रमोशनासाठी हजेरी लावत आहेत. मात्र आता कोरोनाचा वाढता धोका लक्षात घेता निर्मात्यांनी चित्रपटाच्या रिलीज डेट संदर्भात मोठा निर्णय घेतला आहे.