• Home
  • »
  • News
  • »
  • entertainment
  • »
  • Video: ‘माझ्याशी वाकडं नदीवर लाकडं’; ‘Devmanus’ झाला चंदाच्या हातचं खेळणं

Video: ‘माझ्याशी वाकडं नदीवर लाकडं’; ‘Devmanus’ झाला चंदाच्या हातचं खेळणं

ती देवी सिंगचे सर्व योजना हानून पाडताना दिसते. त्याला ती चक्क आपल्या तालावर नाचवताना दिसत आहे.

  • Share this:
    मुंबई 23 जुलै: देवमाणूस (Devmanus) ही मालिका छोट्या पडद्यावर अक्षरश: धुमाकूळ घालताना दिसतेय. एकामागून एक येणारे ट्विस्ट आणि सर्वच कलाकारांचा जबरदस्त अभिनय यामुळे देवमाणूस ही मालिका सध्या लोकप्रियतेच्या शिखरावर आहे. (Devmanus TV Serial) दरम्यान या मालिकेत आता आणखी एक नवं वळण आलं आहे. यामध्ये चंदी (Chandi) नामक एका तरुणीची एण्ट्री झाली आहे. विशेष म्हणजे आल्याआल्याच तिने खलनायक देवी सिंगला आव्हान दिलं आहे. ती देवी सिंगचे सर्व योजना हानून पाडताना दिसते. त्याला ती चक्क आपल्या तालावर नाचवताना दिसत आहे. झी वाहिनीने मालिकेचा एक प्रोमो रिलिज केला आहे. यामध्ये देवी सिंग चंदावर राग व्यक्त करतो. मात्र त्याला न घाबरता ती उलट त्यालाच धमकी देते. जर तू माझं ऐकलं नाहीस तर याद राख माझ्याकडे तुझ्याविरोधात अनेक पुरावे आहेत. अशी धमकीच त्याला देते. त्यानंतर त्याला अक्षरश: आपल्या तालावर नाचवते. या पार्श्वभूमीवर चंदाच्या मदतीने पोलीस देवी सिंगला पकडतील का? अशी उत्कंठा प्रेक्षकांच्या मनात निर्माण झाली आहे. राज कुंद्रा तुरुंगातच राहणार; कोर्टानं फेटाळली याचिका
    ‘पॉर्न करण्यासाठी भाग पाडलं’; अभिनेत्रीनं केली पोलीस तक्रार ‘देवमाणूस’ ही मालिका साताऱ्यात घडलेल्या एका सत्य घटनेवर आधारित आहे. या ठिकाणी अगदी मालिकेत दाखवल्याप्रमाणेच एका गुन्हेगारी प्रवृत्तीच्या व्यक्तीनं डॉक्टराचं सोंग पांघरुन 13 वर्षात तब्बल सात स्त्रियांना फसवलं. या गुन्हेगाराला देखील पोलिसांनी अशाच प्रकारे पकडलं होतं. या पार्श्वभूमीवर ‘देवमाणूस’ मालिकेचा शेवटही असाच होईल अशी शक्यता वर्तवण्यात येत आहे. ‘देवमाणूस’ या मालिकेतील ‘सरू आजी, डिम्पल, टोण्या, बज्या, विजय,नाम्या, मंजुळा आणि डॉ. अजित कुमार देव’ ही आणि अशी अनेक पात्र प्रेक्षकांच्या मनावर गारुड घालतायत. रंजक आणि रहस्यमयी कथानकामुळं ही मालिका लोकांच्या पसंतीस उतरत आहे. प्रत्येक एपिसोडगणिक मालिकेची उत्कंठा वाढत आहे. येत्या काळात मालिका आणखी रंगत जाणार यात शंका नाही. ‘देवमाणूस’ ही मालिका सोमवार ते शनिवार रात्री 10.30 वाजता झी मराठी वाहिनीवर प्रेक्षकांच्या भेटीला येते.
    Published by:Mandar Gurav
    First published: