)
मुंबई, 18 ऑक्टोबर : बाहुबली आणि ‘आरआरआर’ चित्रपटाच्या अफाट यशानंतर, आता एसएस राजामौली त्यांच्या पुढील चित्रपटासाठी चर्चेत आहेत. चाहतेही त्यांच्या चित्रपटाची आतुरतेने वाट पाहत आहेत. वृत्तांवर विश्वास ठेवला तर राजामौली यांनी त्यांच्या पुढील चित्रपटाचे कामही सुरू केले आहे. चित्रपट निर्मात्याच्या या प्रकल्पाला तात्पुरते पण विशेष ‘एसएसएमबी29’ असे नाव देण्यात आले आहे. एसएस राजामौली यांचा चित्रपट असेल आणि तो चर्चेत नसेल असे होऊच शकत नाही. मीडिया रिपोर्ट्सनुसार, हे फिल्ममेकर राजामौली त्यांच्या पुढच्या प्रोजेक्टवर काम करत आहेत. या चित्रपटांमध्ये त्याने मुख्य भूमिकेसाठी साऊथ सुपरस्टार महेश बाबूला कास्ट केल्याचे बोलले जात आहे. अशा परिस्थितीत या चित्रपटाबाबत एक मोठे अपडेट समोर आले आहे. वृत्तांवर विश्वास ठेवला तर दीपिका पदुकोण या चित्रपटात सुपरस्टार महेश बाबूसोबत दिसणार आहे. राजामौली यांच्या या प्रकल्पाची सध्या सर्वत्र चर्चा होत आहे. या चित्रपटात दीपिका पदुकोण ला मुख्य अभिनेत्री म्हणून कास्ट केल्याचीही चर्चा आहे. रिपोर्ट्सनुसार, या चित्रपटाची टीम दीपिकाला आपापसात कास्ट करण्यासाठी चर्चा करत आहे. मात्र या चित्रपटात महेशसोबत दीपिकाला अप्रोच करण्यात आले आहे की नाही याबाबत सध्या कोणतीही माहिती मिळालेली नाही. तसेच अद्याप कोणतीही अधिकृत घोषणा झालेली नाही. आम्ही स्वतःही या बातमीला दुजोरा देत नाही. हेही वाचा - Ranveer singh : रणवीर सिंगच्या 3 कोटी 90 लाखांच्या कारने केलं वाहतूक नियमांचं उल्लंघन; काय आहे सत्य? एसएस राजामौली यांच्या पुढच्या चित्रपटात महेश बाबूसोबत दीपिका पदुकोण आहे हे खरे असेल. त्यामुळे हे दोघे पहिल्यांदाच पडद्यावर एकत्र दिसणार आहेत. याशिवाय, जर असे घडले तर ती प्रेक्षकांसाठी देखील मोठी गोष्ट आहे कारण याआधी दोघांनी कधीही एकत्र काम केलेले नाही. वृत्तांवर विश्वास ठेवला तर, या चित्रपटाव्यतिरिक्त, दीपिकाला दिग्दर्शक नाग अश्विनच्या प्रोजेक्ट के चित्रपटासाठी देखील संपर्क साधण्यात आला आहे. ज्यामध्ये ती बाहुबली फेम अभिनेता प्रभाससोबत दिसणार आहे.
या चित्रपटाशी निगडित लेखक विजेंद्र प्रसाद यांनी पिंकविलाशी बोलताना सांगितले होते की, हा चित्रपट सत्य घटनांवर आधारित आहे. एवढेच नाही तर वृत्तांवर विश्वास ठेवला तर हा चित्रपट जंगल अॅडव्हेंचरवर आधारित आहे. या चित्रपटाचे शूटिंग पुढील वर्षी सुरू होऊ शकते. मीडिया रिपोर्ट्सनुसार, जेव्हा महेश बाबूंशी या चित्रपटाबद्दल बोलले गेले तेव्हा ते म्हणाले की, आता याबद्दल बोलणे खूप घाई आहे. ते पुढे म्हणाले की, जर असे घडले तर माझ्यासाठी ते स्वप्न सत्यात उतरल्यासारखे असेल.
+6
फोटो
