)
मुंबई, 2 एप्रिल : दिग्दर्शक एस एस राजा मौली (SS Raja Mouli) यांचा बहुप्रतिक्षित आरआरआर (RRR) या चित्रपटातील अभिनेता अजय देवगन (Ajay Devgn) चा लूक चांगलाच व्हायरल होत आहे. विशेष म्हणजे अजय च्या वाढदिवशी हा लूक (first look) प्रदर्शित करण्यात आला आहे. त्यामुळे त्याच्या चाहत्यांना एक गोड भेट मिळाली आहे. चित्रपटात राम चरण (Ram Charan), ज्यूनियर एनटीआर (Junior NTR) आणि आलिया भट्ट (Alia Bhatt) यांच्याही प्रमुख भूमिका आहेत.
अवश्य पाहा - स्टंटमनचा मुलगा झाला सुपरस्टार; पाहा बॉलिवूडमधील ‘सिंघम’च्या खास गोष्टी राम चरण, जूनियर एनटीआर आणि आलिया भट्ट यांचे लूक प्रदर्शित झाले होते पण अजय चा लूक प्रतिक्षेत होता आणि त्याचही आता अनावरण झालं आहे. त्यामुळे प्रेक्षकांची उत्सुकता आणखी वाढली आहे. निर्मात्यांनी सोशल मिडीया वर मोशन पोस्ट शेअर करूण, LOAD… AIM… SHOOT…’ असं लिहीत कॅप्शन (caption) दिलं आहे. अजय देवगन (Ajay Devgn) सोबत आलिया भट्ट सुद्धा या चित्रपटातून तेलुगू फिल्म इंडस्ट्रीत पदार्पण (debut) करत आहे. अभिनेत्री आलिया भट्टचा लूक काही दिवसांपूर्वीच प्रदर्शित करण्यात आला होता. ती या चित्रपटात सीतेच्या भूमिकेत झळकणार आहे. या चित्रपटात स्वातंत्र्यपूर्व काळ दाखवण्यात येणार आहे. हा चित्रपट दोन स्वतंत्रता सेनानी अलुरी सीताराम राजू आणि कोमरम भीम यांच्यावर आधारीत असल्याचं म्हटलं जात आहे. शिवाय चित्रपटात जबरदस्त अॅक्शन सीन्स पहायला मिळणार आहेत यात शंका नाही. प्रेक्षक या चित्रपटाची आतुरतेने वाट पाहत आहेत. या मल्टीस्टारर चित्रपटात दिग्दर्शक एस एस राजा मौली यांनी अजय देवगन, राम चरण, जूनियर एनटीआर आणि आलिया भट्ट यासारखी तगडी स्टरकास्ट घेतली आहे. त्यामुळं चित्रपट ब्लॉकबस्टर ठरण्याची शक्यता वर्तवण्यात येत आहे. येत्या 13 ऑक्टोबर 2021 रोजी हा चित्रपट प्रेक्षकांच्या भेटीला येत आहे.
+6
फोटो
