)
मुंबई, 6 नोव्हेंबर- बॉलिवूड अभिनेत्री आलिया भट्ट आणि रणबीर कपूरच्या चाहत्यांना लवकरच गुड न्यूज मिळण्याची शक्यता आहे. नुकतंच आलिया भट्टला रिलायन्स हॉस्पिटलमध्ये नेण्यात आलं आहे. मीडिया रिपोर्ट्सनुसार आलियाला सकाळी 7 च्या सुमारास हॉस्पिटलमध्ये आणण्यात आलं आहे. सर्व चाहते या बातमीकडे लक्ष लावून आहेत. सध्या सोशल मीडियावर हे व्हिडिओ व्हायरल होत आहेत.बॉलिवूडच्या सर्वात लोकप्रिय जोडप्यांपैकी एक रणबीर कपूर आणि आलिया भट्ट लवकरच आई-वडील होणार आहेत आणि ही गोष्ट कोणापासून लपून राहिलेली नाहीय. या लोकप्रिय जोडप्याने लग्नाच्या अवघ्या 2 महिन्यांनंतरच आपल्या घरी छोटा पाहुणा येणार असल्याची घोषणा केली होती. जूनमध्ये आलियाने सोनोग्राफी रुममधून एक फोटो शेअर करत आपण आई होणार असल्याची गोड बातमी दिली होती. आलिया आणि रणबीर आपल्या पहिल्या अपत्याच्या स्वागतासाठी प्रचंड उत्सुक आहेत. आज सकाळी रणबीर-आलिया मुंबईतील रिलायन्स हॉस्पिटलबाहेर दिसले आणि मीडिया रिपोर्ट्सनुसार, हे जोडपं त्यांच्या पहिल्या मुलाच्या प्रसूतीसाठी हॉस्पिटलमध्ये पोहोचलं आहे. प्रसिद्ध पापाराझी विरल भयानीने आपल्या अधिकृत इन्स्टाग्राम अकाउंटवर आलिया आणि रणबीरचा एक व्हिडीओ शेअर केला आहे. यामध्ये आलिया आणि रणबीर रिलायन्स हॉस्पिटलमध्ये दाखल होताना दिसून येत आहेत. या रिपोर्ट्सनुसार, हे जोडपं आलिया भट्टच्या प्रसूतीसाठी हॉस्पिटलमध्ये पोहोचलं आहे. रणबीर-आलिया आज सकाळी 7.30 वाजता रिलायन्स हॉस्पिटलमध्ये पोहोचले आहेत. पोस्ट शेअर करत पापाराझींने लिहलंय, ‘#aliabhatt आणि #RanbirKapor आज सकाळी 730 वाजता गिरगावातील अंबानी हॉस्पिटलमध्ये प्रसूतीसाठी पोहोचले आहेत. आलिया भट्ट प्रसूतीसाठी रुग्णालयात दाखल आहे.सध्या ही बातमी जोरदार व्हायरल होत आहे. व्हायरल व्हिडीओ पाहून चाहते प्रचंड उत्सुक झाले आहेत.
परंतु अनेक मीडिया रिपोर्ट्समध्ये असं वृत्त प्रसिद्ध करण्यात आलं आहे की, आलिया भट्टच्या प्रसूतीची तारीख 20 ते 30 नोव्हेंबर दरम्यान असण्याची शक्यता आहे. ई-टाइम्सने याबाबतचं वृत्त जाहीर करत असा दावा केला की आलिया भट्टच्या प्रसूतीची तारीख तिची बहीण शाहीन भट्टच्या वाढदिवसाच्या आसपास असण्याची शक्यता आहे. शाहीन भट्टचा वाढदिवस 28 नोव्हेंबरला आहे. काही मीडिया रिपोर्ट्सनुसार आलिया भट्ट प्रसूतीसाठी नव्हे तर नियमित चेकअपसाठी हॉस्पिटलमध्ये आल्याचं म्हटलं जात आहे. त्यामुळे खरं वृत्त जाणून घेण्यासाठी चाहत्यांना अजून काही वेळ प्रतीक्षा करावी लागणार आहे. (हे वाचा: VIDEO: कतरिना कैफच्या को-स्टारसोबत महिला चाहत्यांनी केलं असं काही…; पाहून अभिनेताही झाला चकित ) आलिया भट्ट आणि रणबीर कपूर यावर्षी एप्रिलमध्ये लग्नाच्या बेडीत अडकले होते. विशेष म्हणजे लग्नाच्या अवघ्या दोन महिन्यांनंतर, या अभिनेत्रीने इन्स्टाग्राम अकाउंटवर सोनोग्राफी रुममधील फोटोशेअर करून सर्वांनाच आश्चर्यचकित केलं होतं. या फोटोद्वारे तिने आपल्या चाहत्यांना प्रेग्नेंसीची गोड बातमी दिली होती. या फोटोमध्ये रणबीर कपूरदेखील उपस्थित होता. आलियाने हा गोड फोटो शेअर करत लिहिलं होतं की - “आमचं बाळ लवकरच येणार आहे.” ही पोस्ट समोर येताच जोरदार व्हायरल झाली होती. चाहते आणि सेलिब्रेटींनी या पोस्टवर शुभेच्छांचा वर्षाव केला होता.
आलिया भट्ट आणि रणबीर कपूर ’ ब्रह्मास्त्र’च्या सेटवर एकमेकांच्या प्रेमात पडले होते. लग्नापूर्वी त्यांनी तब्बल ५ वर्षे एकमेकांना डेट केलं आहे. विशेष म्हणजे चित्रपट रिलीज होण्यापूर्वी हे दोघे लग्न बंधनात अडकले होते. प्रेग्नेंसीमध्येही आलिया भट्ट प्रमोशन आणि आपल्या कामामध्ये प्रचंड व्यग्र होती. अवघ्या काही दिवसांपूर्वी तिने आपल्या कामातून सुट्टी घेत विश्रांती घेतली आहे. आता चाहते प्रसूतीच्या व्हायरल वृतांवर लक्ष देऊन आहेत.
+6
फोटो
