)
मुंबई, 3 जुलै- अभिनेता अल्लू अर्जुन त्याच्या बहुप्रतिक्षित ‘पुष्पा 2’ चित्रपटामुळे बऱ्याच दिवसांपासून चर्चेत आहे. चित्रपटाचे शूटिंग सध्या जोमात सुरू आहे आणि याच दरम्यान अभिनेत्याच्या आणखी एका नवीन चित्रपटाचे अपडेट समोर आली आहे.नॅशनल स्टार अल्लू अर्जुन आणि दिग्दर्शक त्रिविक्रम श्रीनिवास यांची सुपरहिट जोडी पुन्हा एकदा पडद्यावर दिसणार आहे. त्याविषयीच्या पोस्ट आता सोशल मीडियावर व्हायरल होत असल्याचे दिसून येत आहे. सुपरस्टार अल्लू अर्जुनच्या चाहत्यांसाठी एक आनंदाची बातमी समोर आली आहे. निर्मात्यांनी अल्लू अर्जुनसोबत एक व्हिडिओ शेअर केला आहे. त्याच्या पुढील चित्रपटाची अधिकृत घोषणा केली आहे. अल्लू अर्जुन आणि त्रिविक्रम श्रीनिवास यांचा पुढचा चित्रपट visual spectacle असणार आहे. अद्याप या चित्रपटाचे नाव निश्चित झालेले नाही. या चित्रपटाची निर्मिती अल्लू अरविंद आणि एस राधा कृष्ण त्यांच्या प्रोडक्शन बॅनर गीता आर्ट्स आणि हरिका आणि हसीन क्रिएशन्स अंतर्गत करणार आहेत. अलीकडेच गीता आर्ट्सने ट्विटरवर याची घोषणा केली आणि म्हटले आहे की, ‘डायनॅमिक जोडी परत आली आहे! आयकॉनिक स्टार @alluarjun आणि ब्लॉकबस्टर दिग्दर्शक त्रिविक्रम त्यांच्या चौथ्या चित्रपटासाठी पुन्हा एकत्र आले आहेत! याबाबत अधिक माहिती लवकरच दिली जाईल.निर्मात्यांनी जाहीर केलेल्या प्रोमोमध्ये त्रिविक्रम आणि अल्लू अर्जुन यांच्या करिअरमधील आतापर्यंतचा सर्वात मोठा चित्रपट असल्याचे सांगण्यात आले आहे. चित्रपटाच्या नावाची अधिकृत घोषणा लवकरच केली जाईल. वाचा- अप्पी आमची कलेक्टर फेम शेहनशाह झाला बाबा! अभिनेत्याच्या घरी लक्ष्मीचं आगमन अल्लू अर्जुन आणि त्रिविक्रम श्रीनिवास यांनी बॉक्स ऑफिसवर “जुलै,” “एस/ओ सत्यमूर्ती,” आणि बहुचर्चित “अला वैकुंठपुररामुलू” सह धुमाकूळ घातला आहे. या पॉवरपॅक जोडीने त्यांच्या मनोरंजन, कृती आणि आकर्षक कथाकथनाच्या अनोख्या मिश्रणाने प्रेक्षकांना भुरळ घातली आहे. या जोडीच्या आगामी चित्रपटासाठी चाहते खूप उत्सुक आहेत.
एका चाहत्याने यूट्यूबवर शेअर केलेल्या अधिकृत व्हिडिओवर प्रतिक्रिया दिली आणि लिहिले, एकमेव आयकॉनिक स्टार अल्लू अर्जुन. दुसऱ्याने म्हटले आहे की, “सर्वोत्कृष्ट चित्रपट निर्माता-अभिनेता जोडी. त्याची प्रतीक्षा करू शकत नाही!’ एकाने असेही म्हटले आहे की, ‘सर्वात जादुई कॉम्बो पुन्हा परत आला आहे.’ अशा असंख्य कमेंट यावर आल्या आहेत.
The Dynamic duo is Back! 🔥
— Geetha Arts (@GeethaArts) July 3, 2023
Icon StAAr @alluarjun & Blockbuster director #Trivikram reunite for their 4th Film! 😍🌟
- https://t.co/EJNlNZKTdT
More Details Soon! 🔥#AlluAravind #SRadhaKrishna @haarikahassine @GeethaArts pic.twitter.com/RgWfpDt4uc
या चित्रपटाचे बजेटही सर्वात मोठे असेल. आता या चित्रपटाचे प्रेक्षकांना कमालीचे वेध लागले असून येत्या काळात हा चित्रपट बॉक्स ऑफिसवर विक्रमी कमाई करेल असेही सांगण्यात आले आहे.
+6
फोटो
