लक्ष्मीकांत बेर्डेंचा मुलगा प्रभाससोबत करणार बॉलीवूडमध्ये ‘आरंभ’?

मुंबई, 6 फेब्रुवारी: लक्ष्मीकांत बेर्डे ह्यांचा मुलगा अभिनय बेर्डे हा सध्या आपल्या एका सोशल मीडियावरील पोस्टमुळे चांगलाच चर्चेत आला आहे. आणि आता या पोस्टमुळे तो लवकरच प्रभासच्या ‘आदिपुरुष’ या चित्रपटातून बॉलीवूडमध्ये पदार्पण करणार, अशी चर्चा सध्या जोर धरू लागली आहे. त्याच झालं असं की अभिनयने आपल्या सोशल मीडिया अकाऊंटवरून एक फोटो शेअर करत त्याला 'आरंभ' असे कॅप्शन दिले आहे. आणि आता या कॅप्शननंतर सोशल मीडियावर तो 'आदिपुरुष' या चित्रपटात काम करणार असल्याच्या चर्चा रंगल्या आहेत. कारण या चित्रपटाचे दिग्दर्शक ओम राऊत यांनी चित्रपटाच्या चित्रीकरणाला सुरुवात करताना ‘आदिपुरुष’ चित्रपटाचे पोस्टर शेअर करत 'आरंभ' असं म्हटलं होतं.

View this post on Instagram

A post shared by Abhinay toh Kabhinay (@abhinay3)

आदिपुरुष या चित्रपटात प्रभास हा मुख्य भूमिकेत दिसून येणार आहे. ‘तान्हाजी : द अनसंग वॉरिअर’ या चित्रपटाच्या यशानंतर आता दिग्दर्शक ओम राऊत याचं दिग्दर्शन करत आहेत. 2022 मध्ये प्रदर्शित होणारा हा चित्रपट हिंदी, तेलुगू, तामिळ, मल्याळम आणि कन्नड या भाषांमध्ये प्रदर्शित होणार आहे. अभिनयच्या या पोस्टनंतर आता तो देखील या मोठया चित्रपटाचा भाग होणार का याबद्दल चाहत्यांमध्ये उत्सुकता निर्माण झाली आहे. त्याच्या पोस्ट वर कमेंट करत एका चाहत्याने लिहिलं आहे आदिपुरुष का? त्यावर अभिनयने सुद्धा तेवढ्या गमतीशीर अंदाजात मी आधीपासूनच पुरुष आहे असं उत्तर दिल आहे.

हे देखील वाचा -  'परश्या' पुन्हा चाहत्यांच्या भेटीला, या वेब सीरिजमधून झळकणार, लूक सोशल मीडियावर VIRAL

मात्र अद्याप तरी तो या चित्रपटात दिसणार की नाही याबद्दल कुठलाच खुलासा अभिनयकडून करण्यात आलेला नाही.