)
मुंबई, 23 जून : आमिरच्या प्रत्येकच चित्रपटाचं आजवर नेहमीच कौतुक झालं आहे. त्याला इंडस्ट्रीत ‘मिस्टर परफेक्शनिस्ट’ म्हणून ओळखलं जातं. तो प्रत्येक भूमिका अन चित्रपट अभ्यासपूर्वक करत असतो. पण त्याच्या याच गुणामुळे त्याला एकदा जीव गमवावा लागला असता. कोणत्या चित्रपटादरम्यान हा प्रसंग घडला होता आणि काय होता तो किस्सा जाणून घ्या. सुपरस्टार आमिर खानचा ‘गुलाम’ हा सिनेमा 1998 मध्ये रिलीज झाला होता. चित्रपटाच्या कथेपासून ते आमिरच्या अभिनयापर्यंत प्रेक्षकांनी त्याला भरभरून दाद दिली. ‘गुलाम’मधलं ‘आती क्या खंडाला’ हे गाणं खूप गाजलं. लोकांना राणी मुखर्जीची आमिर खानसोबतची केमिस्ट्रीही जबरदस्त वाटली, पण गुलाम चित्रपटातील एका सीनसाठी आमिर खानने आपला जीव पणाला लावला होता हे फार कमी लोकांना माहीत आहे. तो थोडा चुकला असता तर त्याला जीव गमवावा लागला असता.
वास्तविक, ‘गुलाम’ चित्रपटात आमिर खानच्या ट्रेनसमोरील स्टंट सीनची खूप चर्चा झाली होती. आमिर खानने ट्रॅकवर भरधाव वेगाने येणाऱ्या ट्रेनसमोर धावत धोकादायक स्टंट केला होता. ट्रेन जवळ येताच त्याला रुळावरून दूर उडी मारायची होती. चालत्या ट्रेनमध्ये असा स्टंट करणं खूपच धोकादायक होतं. यावेळी त्याच्याकडून थोडीशी जरी चूक झाली असती तरी त्याच्या ते जीवावर बेतलं असतं. स्टंट शूट झाल्यानंतर आमिरने पडद्यावर हे दृश्य पाहिले तेव्हा त्याला धक्काच बसला. एक सेकंदाचाही उशीर झाला असता तर ट्रेनची धडक बसली असती हे त्याच्या लक्षात आले. Raj Babbar: स्मिता पाटीलच्या निधनानंतर रेखाच्या प्रेमात पडलेले राज बब्बर; ‘या’ कारणामुळे तुटलं दोघांचं नातं काही वर्षांपूर्वी आमिर खानने पूजा बेदीच्या जस्ट पूजा या शोमध्ये ‘गुलाम’ चित्रपटाच्या या स्टंट सीनबद्दल सांगितले होते. त्याने सांगितले की, ‘हा सीन खूप जोखमीचा होता आणि त्याने तो करायला नको होता.’ आमिर खान म्हणाला, ‘ट्रेनचा सीन तीन कोनातून शूट करण्यात आला होता. स्पेशल इफेक्ट्सच्या माध्यमातून दोन अँगल तयार करून समोरचा अँगल ट्रेनसोबत शूट करण्यात आला. त्यावेळी माझ्या लक्षात आले नाही, पण नंतर जेव्हा मी एडिटिंगच्या वेळी ते दृश्य पाहिले तेव्हा मी स्वतः घाबरलो होतो. ट्रेन आणि मी 1.2 सेकंदाचे अंतर होते. तो सीन करण्यासाठी मी 3 टेक घेतले. मला वाटले की ट्रेन माझ्यापासून दूर आहे, पण ती माझ्या अगदी जवळ आली होती.’ मुकेश भट्ट यांनी ‘गुलाम’ चित्रपटाची निर्मिती केली होती आणि त्याचे दिग्दर्शक होते विक्रम भट्ट. वाइल्ड फिल्म्स इंडियाला दिलेल्या मुलाखतीदरम्यान मुकेश भट्ट यांनी सांगितले की, ट्रेनमध्ये स्टंट सीन आमिरने स्वतः केला होता. तो म्हणाला, ‘मी त्यादिवशी खूप तणावात होतो कारण जर त्याला एक सेकंदही उशीर झाला असता तर त्याला ट्रेनने धडक दिली असती. तो एक जास्त काम करणारा अभिनेता आहे. शूटिंगदरम्यान आमिर त्याच्या व्यक्तिरेखेत इतका मग्न झाला की आपल्या जीवाला धोका आहे हे तो विसरला. आमिर वाचला ही देवाची कृपा आहे, अन्यथा तो आज आपल्यासोबत नसता.’
+6
फोटो
