)
मुंबई, 28 मे- छोट्या पडद्यावरील आई कुठे काय करते मालिका लोकप्रिय मालिका आहे. या मालिकेचं कथानक अरुंधती भोवती फिरताना दिसते. मालिकेत अरुंधतीची भूमिका मधुराणी प्रभुलकर साकारताना दिसते. या मालिकेमुळं मधुराणी महाराष्ट्राच्या घराघरात पोहचली. मधुराणी पडद्यावर ज्याप्रमाणे आईची भूमिका साकरते तशी खऱ्या आयुष्यात देखील ती एका लेकीची आई आहे. मालिकेचे चित्रीकरणामुळे तिला आपल्या मुलगी स्वरालीला वेळ देता येत नाही. पण सगळं काही बाजूला ठेऊन मधुराणी मागच्या काही दिवसांपासून लेकीसोबत परदेश फिरताना दिसत आहे. तिथले विविध फोटो, व्हिडिओ ती शेअर करताना दिसत आहे. मधुराणी यानिमित्ताने तिच्या मनातल्या भावना व्यक्त केल्या आहेत. मधुराणीनं या पोस्टमध्ये म्हटलं आहे की, गेली 3 वर्षं माझं एक विशिष्ट रूटीन झालंय. 7/8 दिवस मुंबईत शूट करायचं आणि 2/3 दिवस पुण्यात स्वरालीबरोबर जास्तीत जास्त वेळ घालवायचा.सोपं नव्हतं, नाहीये…. long distance parenting तेही लेकीचं खूप कठीण असतं हो…गेल्या ३ वर्षात सलग असे 8/10 दिवस मी तिच्यासोबत घालवू शकलेले नाही. ह्याची रुखरुख असते, अपराधीपण असतं.. आणि खूप सारा ताण असतो. वाचा- इतक्या वर्षानंतर एक्स पतीसोबत दिसली करिश्मा कपूर; का घेतलेला घटस्फोट? माझी ही अवस्था ईश्वराला समजली असणार आणि माझ्यासमोर ऑस्ट्रेलिया ट्रिपची ही संधी चालून आली.ह्या सगळ्याचा योग जुळवून आणणारा नेक माणूस म्हणजे सिडनीत राहणारा, कविमानाचा उमेश थत्ते. एक दिवस अचानक त्याचा फोन आला ‘मी तुझ्या ‘कवितेचं पान’ चा मोठा फॅन आहे…इथे काही कवी आहेत…तुझा एपिसोड इथे करता येईल का ? '
मी म्हंटलं, ’ मला आवडेल पण स्वरालीला घेऊन येऊ शकत असेन तरच मी येते’त्यांनी माझी विनंती क्षणाचाही विचार न करता मान्य केली आणि हे सारं घडवून आणलं… ‘आई… ‘च्या टीम ने पण प्रंचड cooperate करत मला इतके दिवस सुट्टी घेऊ दिली. तिथले एपिसोड छान झालेच आणि माझी आणि स्वरलीच ही सुट्टी अगदी संस्मरणीय ठरली.
आणि ती तशी झाली ती आमच्या प्रेमळ होस्ट्स मुळे… उमेश- गौरी थत्ते आणि त्यांची मुलं अवनीश आणि अर्णव.आमची उत्तम राहण्याची सोय, खाण्यापिण्याची चंगळ तर ह्यांनी पुरवलीच पण स्वरालीची खूप प्रेमाने काळजी घेतली , खरंतर तिचे लाड केले, सारे हट्ट पुरवले असंच म्हणायला हवं.. सिडनीमधलं जिणं खूप धकाधकीचे आहे, त्यात आपल्या पाहुण्यांसाठी रजा काढून त्यांना ठिकठिकाणी घेऊन जाणं, उत्साहाने फिरवणे इतकं सोपं नाही हो…त्यांनी केला तो पाहुणचार नाही तर जीव लावणं असच म्हणायला हवं…सिडनी ट्रिप उत्तम झालीच पण स्वराली ला अजून एक प्रेमाची फॅमिली मिळाली आणि दोन दोन दादा सुद्धा…!!
+6
फोटो
