)
हैदर शेख, प्रतिनिधी चंद्रपूर, 16 नोव्हेंबर : चंद्रपूर जिल्ह्यातील ब्रम्हपुरी शहरातील 66 वर्षीय सेवानिवृत्त वनविभाग लिपिकाच्या हत्येप्रकरणी त्याची 50 वर्षीय पत्नी आणि तिचा प्रियकरला पोलिसांनी अटक केली आहे. पोलिसांनी 3 महिन्यांपूर्वीची मोबाईलमध्ये एक ऑडिओ क्लिप सापडली. त्यावरून या दोघांचा पर्दाफाश पोलिसांनी केला. पोलिसांनी दिलेल्या माहितीनुसार, 6 ऑगस्ट 2022 रोजी ब्रम्हपुरी शहरातील गुरुदेव नगरात राहणाऱ्या श्याम रामटेके यांचा मृत्यू झाला. त्यांची पत्नी रंजना यांनी आपल्या दोन्ही मुलींना वडील हृदयविकाराच्या झटक्याने मृत पावले असा निरोप दिला.
आईने सांगितलेली बाब सत्य मानून नागपुरात असलेल्या दोन्ही मुली परत आल्या. रीतसर अंत्यविधी झाला. यानंतर आई एकटीच घरी राहते यावरून लहान मुलगी ब्रह्मपुरी येथे राहण्यास आली. मात्र, तिला आईच्या वागण्यात बदल झाल्याचे लक्षात आले. रंजना रामटेके यांचे आंबेडकर चौकात छोटे जनरल दुकान आहे. या दुकानालगतच मुकेश त्रिवेदी यांचे भाजीपाला आणि बांगडी विक्रीचे दुकान आहे. (Shraddha murder case Update : आफताबचं महाराष्ट्र कनेक्शन उघड, धक्कादायक माहिती समोर) मुकेश त्रिवेदी यांचे वारंवार घरी येणे मुलींना खटकू लागल्यावर दोघींनी आई व मुकेश त्रिवेदी दोघांनाही समाजात बदनाम होण्याबाबत समज दिली होती. आई एकटीच राहत असल्याचं कळातच मुलीने तिला आपला स्मार्टफोन देऊ केला होता. मात्र वडिलांच्या निधनानंतर तिने हा मोबाईल परत स्वतःकडे घेतला. त्यावेळेस तिला 6 ऑगस्ट रोजी पहाटे दोघांमध्ये दहा मिनिट संवाद झाल्याची एक ऑडिओ रेकॉर्डिंग सापडले. त्यावरून मुकेश त्रिवेदी या प्रियकराच्या मदतीने कट करून प्रथम विष पाजले व नंतर हातपाय बांधून आईने तोंडावर उशी दाबून वडिलांचा खून केल्याची माहिती मिळाली. (हे ही वाचा : कुख्यात गुंडाच्या बायकोची काढली छेड, तिने असा घेतला बदला की तरुणाचे कापले लिंग ) ही ऑडिओ क्लिप ऐकून मुलीला धक्का बसला. तिने लगेच पोलीस स्टेशन गाठले. मुलीने दाखल केलेल्या तक्रारीवरून पोलिसांनी रंजना रामटेके आणि मुकेश त्रिवेदी यांना ताब्यात घेऊन कसून चौकशी केली. सुरुवातील दोघांनी उडवाउडवीची उत्तर दिली. पण, पोलिसांनी खाक्या दाखवताच दोघांनी गुन्हा कबूल केला. या प्रकरणी गुन्हा दाखल करण्यात आला असून अधिक तपास पोलीस करत आहे.
+6
फोटो
