Facebook वरील मैत्री पडली महागात; अल्पवयीन मुलीसोबत धक्कादायक कृत्य

बीड, 29 मे : सध्याची पिढी ही सोशल मीडियाच्या (Social Media) काळातील पिढी आहे. याच सोशल मिडियाचे चांगले आणि वाईट दोन्ही परिणाम येथील तरुणांना भोगावे लागतात. सोशल मीडियाच्या माध्यमातून अनेक चुकीच्या घटना घडल्याचे तुम्ही वाचले असेल. फेसबुक (Facebook) वापरणाऱ्या अशाच एका मुलीसोबत एक धक्कादायक घटना समोर आली आहे. नेमकं काय घडलं - बीड जिल्ह्यातील एका अल्पवयीन मुलीची फेसबुकवर एका तरुणाशी मैत्री (Friendship on Facebook) झाली. हा तरुण कोल्हापूर (Kolhapur) येथील आहे. या दोघांच्या मैत्रीचे रुपांतर प्रेमात झाले. यानंतर ही मुलगी फेसबुक फ्रेंडला भेटायला थेट कोल्हापुरला गेली. तेव्हा तिच्यासोबत एक धक्कादायक प्रकार घडला. या फेसबुक फ्रेंडने तिच्यावर अत्याचार (Physcial Abused by Facebook Friend) केला. ही धक्कादायक घटना 28 मेला समोर आली आहे. याप्रकरणी बीड ग्रामीण पोलीस ठाण्यात मुलीच्या नातेवाईकांनी दिलेल्या तक्रारीवरुन अपहरणाचा गुन्हा दाखल झाला होता. दरम्यान, पीडित मुलगी आणि मुलगा हे दोन्ही कोल्हापुरात सापडले, अशी माहिती बीड पोलिसांना मिळाल्यावर पोलीस पथक 27मेला बीड येथे गेले. यांनतर त्या दोघांना घेऊन 28 मेला बीड येथे आणण्यात आले. यानंतर अपरहणाच्या गुन्ह्यात पोलिसांनी बलात्कार आणि बाललैंगिक अत्याचार प्रतिबंधक कलम वाढविण्यात आले आहे. माहितीनुसार, आरोपी तरुणाचे नाव समद महंमद तहसीलदार असे आहे. त्याचे वय 19 असून तो कोल्हापूर जिल्ह्यातील गडहिंग्लज तालुक्याच्या खेबळी येथील रहिवासी आहे. बीड येथील ग्रामीण ठाणे परिसरात राहणारी एक 16 वर्षीय मुलीची वर्षभरापूर्वी समद तहसीलदार नावाच्या तरुणाशी ओळख झाली होती. यानंतर त्यांच्यात मैत्री झाली. मैत्रीचे रुपांतर प्रेमात झाले. प्रेमात ही मुलगी इतकी वाहत गेली की ती 24 मेला घरातील कुणालाही न सांगता बीड येथून कोल्हापुरला गेली. हेही वाचा - क्षुल्लक कारणावरुन पोटचा पोरगाच झाला वैरी, कुऱ्हाडीचे घाव घालत जन्मदात्या पित्याची केली हत्या