)
कल्याण, 09 फेब्रुवारी : मुंबईजवळील कल्याण परिसरात धक्कादायक घटना समोर आली आहे. चौकशी केल्याच्या रागातून एका पोलीस कर्मचाऱ्याने रेल्वे सुरक्षा दलाच्या सह पोलीस निरीक्षकाची हत्या केल्याची घटना समोर आली आहे. या घटनेमुळे परिसरात एकच खळबळ उडाली आहे. पोलिसांनी दिलेल्या माहितीनुसार, कल्याण पूर्व भागातील सिद्धार्थ नगर येथील रेल्वे बॅरेकमध्ये ही घटना घडली आहे. बसवराज गर्ग असं पोलीस सब इन्स्पेक्टरचे नाव आहे. पंकज यादव असं हत्या करणाऱ्या आरोपीचं नाव आहे. (साखरपुड्यानंतर तरुणीचा लग्नाला नकार; तरुणाचं होणाऱ्या पत्नीसोबत धक्कादायक कृत्य, पोलीसही हादरले) कल्याणच्या रेल्वे बॅरॅकमध्ये रात्री उशिरा ही हत्या करण्यात आली. या प्रकरणी कल्याण कोळशेवाडी पोलिसांनी गुन्हा दाखल करीत अवघ्या ४ तासात आरोपी पंकजला अटक केली आहे. आरपीएफचे अधिकारी बसवराज आणि पंकज यादव हे काही वर्षांपूर्वी कल्याणच्या रेल्वे पोलिसात एकत्र काम करत होते. त्यावेळेस पंकजचे तिथल्या एका पोलिसाशी भांडण झालं होते. यात पंकज यादवची अंतर्गत बसवराज गर्ग आणि इतर पोलीस अधिकाऱ्यांच्या मार्फत चौकशी सुरू होती. यात पंकजचे वेतनामधील इन्क्रिमेंट त्याचबरोबर बेसिक पेमेंट कमी झाल्याची शिक्षा त्याला झाली. ( नातवांना खेळवायच्या 78 वर्षीय आजोबांना डेटिंगचा नाद, तब्बल 1 कोटींना लागला चुना ) मात्र केवळ या अधिकाऱ्यांच्या चौकशीमुळे आपले नुकसान झाल्याचा राग पंकजच्या मनात होता. याच रागातून त्याने रात्री उशिरा बसवराज राहत असलेल्या कल्याणच्या बॅरेकमध्ये जाऊन त्यांच्याशी वाद घातला आणि त्यांच्या डोक्यात लाकडी दांडकाने प्रहार करत त्यांची हत्या केली. एवढंच नाहीतर, खाते अंतर्गत चौकशी करणारा बर्वे नावाचाा पोलीस अधिकारी होताा. त्यांची सुद्धा हत्या करण्यासाठी तो चिपळूणला निघाला होता. मात्र कोळशेवाडी पोलिसांनी त्याला पेनमधून आधीच अटक केली. या प्रकरणाचा अधिक तपास पोलीस करत आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
