मुलांच्या वादात घरातल्या लोकांची उडी, दिराचं वहिनीसोबत भयानक कांड

आशुतोष तिवारी, प्रतिनिधी

रीवा, 25 मार्च : देशात दिवसेंदिवस गुन्हेगारीच्या घटना वाढत आहेत. हत्या, आत्महत्या, तसेच प्रेम प्रकरणातून खुनाच्याही धक्कादायक घटना समोर येत आहेत. त्यातच आता आणखी एक धक्कादायक घटना समोर आली आहे. रीवा जिल्ह्यातील सेमरिया पोलीस स्टेशन हद्दीतील कोलुरा गावात महिलेवर हल्ला करण्यात आला होता. या हल्ल्यानंतर तिला रुग्णालयात दाखल केले असता उपचारादरम्यान तिचा मृत्यू झाला. महिलेवर हा हल्ला अन्य कोणी नसून तिच्याच दीराने केल्याची माहिती मिळाली आहे. याप्रकरणी पोलिसांनी हत्येचा गुन्हा दाखल केला आहे. यासोबतच आरोपीलाही पोलिसांनी अटक केली आहे.

मुलांमध्ये वाद सुरू झाल्याचे सांगण्यात येत आहे. कोलुरा गावात मुलांच्या वादात त्यांच्या नातेवाईकही सहभागी झाले. यातून दोन्ही बाजूंनी जोरदार संघर्ष झाला. मिळालेल्या माहितीनुसार, आरोपी दीर हा महिलेच्या मुलीला कशावरून तरी शिवीगाळ करत होता. याला महिलेने विरोध केला असता आरोपीने तिच्या दिराशी वाद घालण्यास सुरुवात केली. वाद इतका वाढला की आरोपीने महिलेच्या डोक्यावर फावड्याने वार करून तिला जखमी केले. कविता असे मृत महिलेचे नाव आहे.

आरोपींच्या हल्ल्यात जखमी महिलेला गंभीर दुखापत झाली होती. या घटनेची माहिती नातेवाईकांना समजताच त्यांनी महिलेला सेमरिया येथील सामुदायिक आरोग्य केंद्रात नेले. मात्र, प्रकृतीत सुधारणा न झाल्याने महिलेला गंभीर अवस्थेत रेवा येथील संजय गांधी रुग्णालयात रेफर करण्यात आले. रुग्णालयातील डॉक्टरांनी महिलेला वाचवण्याचा प्रयत्न केला. मात्र, महिलेला वाचवता आले नाही. येथे उपचारादरम्यान डॉक्टरांनी तिना मृत घोषित केले.

बदली झाली, पण ती मान्य नव्हती, महिलेने तणावात येऊन उचललं भयानक पाऊल

पोलिसांनी आरोपीविरुद्ध गुन्हा दाखल करून त्याला अटक केली आहे. या संपूर्ण प्रकरणाबाबत स्टेशन प्रभारी सेमारिया सांगतात की, दिराने आपल्या वहिनीवर फावड्याने हल्ला करून तिची हत्या केल्याचे प्रकरण समोर आले आहे. आरोपीला अटक करण्यात आली असून पुढील तपास सुरू आहे.