बदली झाली, पण ती मान्य नव्हती, महिलेने तणावात येऊन उचललं भयानक पाऊल

निखिल मित्रा, प्रतिनिधी

अंबिकापूर, 25 मार्च : देशात दिवसेंदिवस गुन्हेगारीच्या घटना वाढत आहेत. हत्या, आत्महत्या, तसेच प्रेम प्रकरणातून खुनाच्याही धक्कादायक घटना समोर येत आहेत. त्यातच आता आणखी एक धक्कादायक घटना समोर आली आहे. छत्तीसगडमधील अंबिकापूरमध्ये एका महिलेने आत्महत्या केल्याची धक्कादायक घटना समोर आली आहे.

काय आहे संपूर्ण घटना - 

एसईसीएलची महिला कर्मचारी तिच्या आईसोबत राहत होती. आठवडाभरापूर्वी त्यांची एसईसीएल रिजनल स्टोअरमधून बिश्रामपूर सेंट्रल हॉस्पिटलमध्ये बदली करण्यात आली होती. त्यामुळे मानसिक तणावाखाली असलेल्या महिलेला तिची बदली मान्य न झाल्याने तिने गुरुवारी-शुक्रवारी मध्यरात्री तिच्या खोलीत पंख्याला गळफास घेऊन आत्महत्या केली. यानंतर स्थानिक नागरिकांनी पोलिसांना याबाबतची माहिती दिल्यावर पोलिसांच्या उपस्थितीत मृतदेह बाहेर काढण्यात आला असून याप्रकरणी पोलिसांनी गुन्हा दाखल केला आहे.

बिश्रामपूर एसईसीएल येथे रिजनल स्टोअरमध्ये डेटा एन्ट्री या पदावर असलेल्या 42 वर्षीय पारुल यांनी आत्महत्या केली. पारुल आधीच मानसिक तणावाखाली होती. आईला ही गोष्ट माहीत होती. पारुलची आई नीलिमा हर्बर्ट यांनी सकाळी दरवाजा ठोठावला असता दरवाजा तो आतून उघडण्यात आला नाही. काहीतरी अघटित घडले या भीतीने पारुलच्या आईने शेजाऱ्यांना बोलावले. तसेच पोलिसांना माहिती दिली. पोलीस येताच दरवाजा उघडला असता पारुल लटकलेल्या अवस्थेत आढळून आली. तिच्या हाताची नसही कापलेली आढळून आली.

हेही वाचा - आई-मुली आणि पती-पत्नी चालवत होते सेक्स रॅकेट..., पोलिसांनी असा रचला सापळा

एसईसीएल विश्रामपूर विभागाच्या कार्मिक व्यवस्थापकाने एक प्रसिद्धीपत्रक जारी केले आणि सांगितले की, सहकाऱ्यांशी गैरवर्तन केल्याबद्दल मृत पारुल हर्बर्टची चौकशीसाठी एका समितीची स्थापना करण्यात आली आणि तपासात त्यांच्यावरील आरोप योग्य आढळून आल्यानंतर त्यांची मध्यवर्ती रुग्णालय विश्रामपूर येथे बदली करण्यात आली. यामुळे त्यांना खूप राग आला होता.

बदली झाल्यास पारुलने प्रादेशिक व्यवस्थापनाला मानसिक त्रास देण्याबाबत आत्महत्येची धमकी दिली होती. यानंतर व्यवस्थापनाच्या अधिकाऱ्यांनीही त्यांना समजावले होते. मात्र, अखेर त्यांनी आपले जीवन संपवल. दरम्यान, एसईसीएलमधील सहकारी कर्मचाऱ्यांनी पारुलच्या निधनाबद्दल शोक व्यक्त केला. याप्रकरणी पोलीस पुढील तपास करत आहे.