)
चूरू, 25 सप्टेंबर : राजस्थानच्या चुरू येथून एका तरुणीचे अपहरण करून तिला हॉटेलमध्ये नेऊन तिच्यावर सामूहिक बलात्कार केल्याची संतापजनक घटना समोर आली आहे. या घटनेनंतर एकच खळबळ उडाली आहे. ही घटना चुरूला लागून असलेल्या झुंझुनू आणि सीकरमध्ये घडली. यानंतर पीडितेच्या तक्रारीवरून पोलिसांनी गुन्हा दाखल केला आहे. मात्र, अद्यापपर्यंत त्यांचा कोणताही सुगावा लागलेला नाही. काय आहे संपूर्ण प्रकरण - चुरू महिला पोलीस ठाण्याचे अधिकारी सुखराम चोटिया यांनी सांगितले की, ही घटना 19 सप्टेंबर रोजी घडली. पीडितेचे वय 22 वर्षे आहे. आरोपी अरबाज धोबीने लग्नाचे आमिष दाखवून तरुणीला आधी प्रेमाच्या जाळ्यात अडकवले. त्यानंतर 19 सप्टेंबर रोजी जीवे मारण्याची धमकी देत कारमध्ये बसवून तिचे अपहरण केले. यानंतर आरोपीने प्रथम तरुणीला झुंझुनू येथे नेले. यानंतर तिथे एका हॉटेलमध्ये तिच्यावर बलात्कार झाला. त्याच रात्री आरोपीने त्याला नातेवाईकांशी ओळख करून देण्याच्या बहाण्याने बसमध्ये बसवून सीकरला नेले. तेथे त्याने शाहनवाज खत्री आणि फारुख खत्री यांना बोलावले. नंतर तेथेही तरुणीला हॉटेलमध्ये नेण्यात आले. तेथे तिघांनीही तिच्यासोबत सामूहिक बलात्कार केला. मात्र, 20 सप्टेंबरला पीडिता कशीतरी आरोपीच्या तावडीतून सुटका करून घरी पोहोचली. यानंतर तिने आपल्या आईला घडलेला सर्व प्रकार सांगितला.
हा सर्व प्रकार ऐकल्यानंतर तिच्या कुटुंबीयांच्या पायाखालची जमीनच सरकली. यानंतर पीडितेने तिच्या कुटुंबीयांसह पोलीस ठाण्यात धाव घेतली आणि घडलेला सर्व प्रकार सांगितला. यानंतर पोलिसांनी IPC कलम 376(2)(n), 376-D, 366, IPC आणि 3(2)(v) SC ST कायद्यान्वये गुन्हा दाखल केला आहे. तर पीडित तरुणीवर जिल्हा रुग्णालयात वैद्यकीय उपचार करण्यात आले आहेत. या प्रकरणाचा पोलीस गांभीर्याने तपास करत आहेत. हेही वाचा - हॉटेलमधील रूममध्ये थांबली होती अल्पवयीन मुलगी, मालकाच्या मुलाने केलं संतापजनक कृत्य
एनसीआरबीच्या अहवालावरून गदारोळ -
नॅशनल क्राईम रेकॉर्ड ब्युरोने नुकत्याच प्रसिद्ध केलेल्या अहवालानुसार, गेल्या वर्षी देशात सर्वाधिक बलात्कार आणि सामूहिक बलात्काराच्या घटना राजस्थानमध्ये झाल्या होत्या. राजस्थानमधील या प्रकरणांची संख्या उत्तर प्रदेश आणि मध्य प्रदेशात नोंदवलेल्या प्रकरणांपेक्षा जास्त आहे. या मुद्द्यावरून राज्य सरकार विरोधकांच्या निशाण्यावर आले होते आणि आकडेवारीवरून बरेच राजकारण झाले होते.
+6
फोटो
