)
हरदोई, 27 जून : उत्तर प्रदेशातील हरदोई (Hardoi UP) येथील पाली पोलीस ठाण्याच्या (Pali Police) हद्दीतील खेमपूर गावात निघालेल्या वरातीत खळबळ उडाली आहे. वधू मुलीच्या मामाने वरमुलगा अपंग असल्याचे सांगत लग्नाला नकार दिला. यानंतर याठिकाणी एकच खळबळ उडाली. याबाबत दोन्ही पक्षांमध्ये तासनतास पंचायत झाली. मात्र, शेवटपर्यंत कोणतीही चर्चा न झाल्याने मिरवणुकीला वधूविनाच परतावे लागले. याप्रकरणी, वराच्या आईने पाली पोलीस ठाण्यात फिर्याद दिली आहे. फर्रुखाबाद जिल्ह्यातील कनतला गावातील रहिवासी मुन्नी देवी यांनी आपल्यात फिर्यादीत म्हटले आहे की, पाली पोलीस ठाण्याच्या हद्दीतील खेमपूर गावातील रहिवासी लालाराम राजपूत यांची मुलगी पूनम हिच्याशी त्यांनी मुलगा गोविंदचा विवाह निश्चित केला होता. वरात नियोजित वेळेवर खेमपूरला पोहोचली. तिथे मुलीच्या बाजूच्या लोकांनी मिरवणुकीचे स्वागत केले. लग्नसोहळा प्रक्रिया पार पडत असताना वधू-वर मंडपात पोहोचले. हेही वाचा - ब्लॉगर तरुणीचा चौथ्या मजल्यावरुन पडल्याने जागीच मृत्यू; हत्येमागील दोन धक्कादायक पैलू CCTV मधून उघड लग्नात फेरे घेण्याची तयारी सुरू असतानाच वधू मुलीचा मामा, लग्न मंडपात आला. त्याने याठिकाणी आल्यावर वरमुलगा अपंग असल्याचे सांगत, लग्नाला नकार दिला. यानंतर याठिकाणी एक गोंधळाचे वातावरण तयार झाले होते. स्थानिकांसोबत वरमुलाकडच्या लोकांनी वधू मुलीच्या मामाला विनंती केली. मात्र, तरीदेखील यावर तोडगा निघाला नाही. त्यामुळे वधू मुलगी न घेताच वरात परत निघून गेली. पोलीस ठाण्यात हा वाद पोहोचवल्यावर एका नातेवाईकाने सोशल मीडियावर यासंबंधीचा व्हिडिओ व्हायरल केल्याने हा प्रकार समोर आला. तर याप्रकरणी अतिरिक्त पोलीस अधीक्षक पश्चिमी दुर्गेश सिंह यांनी सांगितले की, फर्रुखाबाद जिल्ह्यातील कंटाळा येथून पाली पोलीस ठाण्याच्या हद्दीतील खेमपूर गावात ही वरात आली होती. तेथे मुलीच्या बाजूच्या लोकांनी मुलाच्या बाजूने आरोप करत लग्नास नकार दिला. दोन्ही पक्षांना पोलीस ठाण्यात बोलावून करार झाला असून दोन्ही पक्ष आपापले सामान घेऊन परत गेले आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
