)
ब्रुसेल्स, 18 मार्च : एका विद्यार्थ्यानं 30 वर्षांपूर्वी झालेल्या अपमानाचा सूड घेण्यासाठी आपल्या शिक्षिकेची तब्बल 101 वेळा भोकसून हत्या केली. 37 वर्षीय आरोपी, गुंटर युव्हेंट्सनं सांगितलं की 1990 च्या दशकात त्याच्या प्राथमिक शाळेतील शिक्षिका मारिया व्हर्लिंडेन यांच्याकडून झालेल्या अपमानाचा बदला घेण्यासाठी 2020 मध्ये त्यांची हत्या करण्यात आली होती. 16 महिन्यांनंतर या प्रकरणाचा उलगडा झाला आहे. माणुसकीला आणि गुरू-शिष्याच्या नात्याला काळिमा फासणारी ही घटना बेल्जियमची राजधानी ब्रुसेल्समध्ये घडली आहे. बेल्जियम पोलिसांनी 16 महिने वेगवेगळ्या बाजूंनी या प्रकरणाचा तपास सुरू ठेवला. यादरम्यान शेकडो डीएनए नमुने तपासण्यात आले. त्यानंतरही हे प्रकरण अनुत्तरीतच राहिलं. नंतर, 59 वर्षीय मारियाच्या पतीने सार्वजनिकपणे साक्षीदारांना हजर राहण्याचं आवाहन केलं. अखेर हत्येच्या 16 महिन्यांनंतर युव्हेंट्सच्या मित्रानं पोलिसांना याबद्दल माहिती दिली. त्यानंतर रविवारी युव्हेंट्सला अटक करण्यात आली आणि हत्येच्या ठिकाणी सापडलेल्या टार्गेटशी त्याचा डीएनए जुळला. त्यानंतर संपूर्ण प्रकरण उघडकीस आलं. दैनिक भास्करनं याविषयीची माहिती दिली आहे. हे वाचा - ‘या’ शहरात Corona चं थैमान, फक्त 3 दिवस पुरेल इतकाच औषधांचा साठा शिल्लक शिक्षिकेची हत्या झाली तेव्हा जवळच रोख रक्कम भरलेली पर्स पडली होती. मात्र, आरोपीनं त्याला हातही लावला नाही. यावरून हत्येमागचा हेतू दरोडा घालणं हा अजिबात नसल्याचं स्पष्ट झालं. अटकेनंतर युव्हेंट्सनं पोलिसांना घटनेची सविस्तर माहिती दिली. त्यानंतर संपूर्ण प्रकरण उघड झालं. हे वाचा - Russia Ukraine War: रशियाच्या रॉकेट हल्ल्यात बड्या अभिनेत्रीचा मृत्यू मारिया व्हर्लिंडनच्या शेजाऱ्यांनी पोलिसांना सांगितलं की, त्या अतिशय मैत्रीपूर्ण आणि धार्मिक अशा महिला होत्या. अनेक बेघर लोकांनाही त्यांनी मदत केली. त्यांच्या बाबतीत असं कसं होऊ शकतं, हे आम्हाला अजूनही समजलेलं नाही, असं त्यांचं म्हणणं आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
