UP Election Results: पक्षाचा पराभव लागला जिव्हारी; तरुणानं उचललं भयावह पाऊल, मृत्यूशी झुंज सुरू

लखनऊ, 11 मार्च: उत्तर प्रदेश विधानसभा निवडणुकीत भारतीय जनता पक्षानं (BJP) पुन्हा एकदा स्पष्ट बहुमत मिळवलं आहे. या निवडणुकीत समाजवादी पक्षाला (SP) अपेक्षित यश मिळवता न आल्याच्या कारणातून लखनऊजवळील चिनहट येथील एका तरुणानं विषारी औषध प्राशन करून आत्महत्या करण्याचा प्रयत्न (attempt to commit suicide by drinking poison) केला आहे. गुरुवारी सायंकाळी निवडणुकीचा निकाल जाहीर झाल्यानंतर संबंधित तरुणानं विषारी औषध प्राशन केलं आहे. या घटनेची माहिती मिळताच नातेवाईकांनी त्याला लोहिया रुग्णालयात दाखल केलं आहे. याठिकाणी त्यांच्यावर उपचार सुरू असून त्याची प्रकृती चिंताजनक असल्याची माहिती डॉक्टरांकडून देण्यात आली आहे. पोलिसांनी दिलेल्या माहितीनुसार, विजय यादव उर्फ ​​नरेंद्र असं आत्महत्या करणाऱ्या 40 वर्षीय व्यक्तीचं नाव असून तो चिनहटच्या कामता येथील रहिवासी आहे. नरेंद्र याची विभूतीखंड येथील अवध बसस्थानकाशेजारी चहाची टपरी आहे. पण मागील काही दिवसांपासून त्यानं आपली चहाची टपरी बंद ठेवली होती. दरम्यान, नरेंद्र यानं बुधवारी सोशल मीडियावर एक व्हिडीओ व्हायरल केला होता. हेही वाचा- BJP सोडणाऱ्या दोन मंत्र्यांना मतदारांनी शिकवला धडा, पक्षांतर पडलं चांगलंच महागात ज्यामध्ये त्यानं म्हटलं होतं की, 2022 मध्ये समाजवादी पक्षाचं सरकार स्थापन झालं नाही, तर मी विष प्राशन करून आत्महत्या करणार आहे. संबंधित व्हिडीओ सोशल मीडियावर तुफान व्हायरल झाला होता. गुरुवारी सायंकाळी निकाल जाहीर झाल्यानंतर नरेंद्रला अपेक्षित असणारं सपाचं सरकार स्थापन झालं नाही. त्यामुळे नरेंद्र यानं व्हायरल व्हिडीओमध्ये म्हटल्यानुसार त्यानं गुरुवारी सायंकाळी पारिजात अपार्टमेंटजवळ विषारी औषध प्राशन केलं. हेही वाचा- BJP च्या वादळात एकाच BSP नेत्यानं राखला गड, कोण आहे जनतेचा हा ‘रॉबिनहूड’ भररस्त्यात त्यानं हा प्रकार केला होता. त्याला होणारा त्रास पाहून आजूबाजूच्या लोकांनी याची माहिती तातडीनं नरेंद्रच्या कुटुंबीयांना दिली. त्याच्या कुटुंबीयांनी त्याला त्वरित लोहिया रुग्णालयात उपचारासाठी दाखल केलं. याठिकाणी सध्या नरेंद्र याच्यावर उपचार सुरू असून त्याची प्रकृती चिंताजनक असल्याची माहिती डॉक्टरांकडून देण्यात आली आहे. याबाबत अधिक माहिती देताना विभूतीखंड पोलीस ठाण्याच्या पोलिसांनी सांगितलं की, व्हायरल झालेल्या व्हिडीओबाबत आम्हाला कोणतीही कल्पना नाही. तरुणानं विष प्राशन केल्याची माहिती रुग्णालयाकडून देण्यात आली आहे. या प्रकरणाची चौकशी करण्यात येत आहे.

• Follow us on