Coronavirus बदलतोय! प्राणघातक नाही तर कमजोर होतोय; तज्ज्ञ डॉक्टरांकडून दिलासा

रोम, 01 जून : कोरोनाव्हायरसने (coronavirus) आतापर्यंत स्वत:मध्ये अनेक बदल केले. त्याची नवनवीन रूपं आपल्यासमोर येऊ लागली. आतादेखील हा विषाणू आपलं रूप बदलू लागला आहे. मात्र आता अधिक प्राणघातक होत नाही आहे तर कमजोर पडू लागला आहे. असा दावा इटलीतील एका तज्ज्ञ डॉक्टराने (italian doctor) केला आहे. कोरोनाव्हायरसच आपली क्षमता गमावत आहे, तो कमजोर आणि कमी प्राणघातक होतो आहे, असं इटलीतील डॉ. अलबर्टो झॅन्ग्रिलो यांनी  सांगितलं. डॉ. अल्बर्टो हे कोरोनाचा सर्वात जास्त फटका बसलेल्या लोम्बार्डीच्या उत्तरेला असलेल्या मिलानमधील सॅन रफाइल रुग्णालयाचे प्रमुख आहेत. रॉयटर्सच्या वृत्तानुसार, ‘इटलीत क्लिनिकली हा व्हायरस अस्तित्वात नाही’, असा दावाही डॉय अल्बर्टो यांनी केला आहे. हे वाचा -  ना लॉकडाऊन, ना मोठ्या प्रमाणात टेस्ट; ‘या’ सवयीने जपानला कोरोनापासून वाचवलं “गेल्या 10 दिवसात जे स्वॅब टेस्ट करण्यात आलेत. त्यावरून व्हायरल लोडचं प्रमाण खूप कमी असल्याचं दिसून आलं आहे. गेल्या एक ते दोन महिन्यांपूर्वी हा व्हायरल लो़ड भरपूर होता,” अशी माहिती अल्बार्टो यांनी आरएआय टेलिव्हिजनशी बोलताना दिली. सर्वाधिक फटका बसलेल्या देशांमध्ये इटलीचा समावेश आहे. जगभरात कोरोनाव्हायरसची सर्वाधिक प्रकरणं असलेल्या देशांच्या यादीत इटली सहाव्या क्रमांकावर आहे. तर मृतांच्या बाबतीत तिसरा आहे. देशात 21 फेब्रुवारीला कोरोनाव्हायरसचा उद्रेक झाला. आतापर्यंत  233,019 कोरोना रुग्ण या देशात आहेत. तर  33,415 रुग्णांचा मृत्यू झाला आहे. हे वाचा -  कोरोना योद्धांसाठी ‘आयुष’ची औषधी ढाल; व्हायरसपासून करणार बचाव मे महिन्यापासून इटलीत कोरोनाव्हायरसचा प्रादुर्भाव हळूहळू कमी होऊ लागला आहे. कोरोनाची नवीन प्रकरणं आणि त्यामुळे होणाऱ्या मृत्यूचं प्रमाणही कमी झालं आहे. यानंतर युरोपमध्ये सर्वात कठोर असा लॉकडाऊन लागू केलेल्या देशांपैकी एक असलेल्या इटलीत लॉकडाऊन हळूहळू शिथील केला जातो आहे. हे वाचा -  आरोग्य कर्मचाऱ्यांना कोरोनापासून वाचवण्यासाठी ICMR ने केला नवा खुलासा कोरोनाव्हायरसचा नाश नेमका कधी होणार? हा प्रश्न प्रत्येकाला पडला आहे. कोरोनाची दहशत आणि त्याचा होणार परिणाम यातून आपली सुटका कधी होणार याची प्रतीक्षा प्रत्येकालाच आहे. कोरोनाव्हायरसचा नाश करणारी लस प्रत्यक्षात कधी येईल हे अद्यापही कुणी ठोसपणे सांगू शकत नाही. मात्र कोरोनाव्हायरस कमजोर पडू लागला ही बातमी नक्कीच दिलासादायक आहे. संकलन, संपादन - प्रिया लाड

• Follow us on