तुम्हाला माहीत आहे का? आधार कार्डवरील या गोष्टी एकदा किंवा दोनदाच बदलता येतात

नवी दिल्ली, 18 मार्च : आधार कार्ड (Aadhar card)) हे अलिकडील सर्वात महत्त्वाचं डॉक्युमेंट बनलं आहे. आधार कार्ड हे इतर कागदपत्रांपेक्षा वेगळं आहे कारण त्यात नागरिकांची बायोमेट्रिक माहिती नोंदवली जाते. आधारच्या वाढत्या उपयुक्ततेमुळे ते अद्ययावत ठेवणंही अत्यंत आवश्यक (Aadhar card update) आहे. अनेक वेळा आधार कार्ड बनवताना काही माहिती चुकीची भरली जाते किंवा ती अपूर्ण राहते. यामुळे आधार कार्ड वापरताना आपल्याला नंतर अडचणींना सामोरं जावं लागू शकतं. त्यामुळे आधारमध्ये सर्व माहिती बिनचूक भरून घेणं आवश्यक आहे. UIDAI, आधार कार्ड जारी करणारी संस्था, आधार कार्डमधील नाव, जन्मतारीख, पत्ता, मोबाईल नंबर, लिंग इत्यादी माहिती बदलण्याची सुविधा प्रदान करते. परंतु, यातील काही महत्त्वाचे घटक पुन्हा पुन्हा बदलता येत नाहीत. जाणून घ्या आधार कार्डमध्ये कोणते अपडेट आपण किती वेळा करू शकता. दोनदा नाव बदलू शकतो आधार कार्डमधील नावाच्या स्पेलिंगमध्ये काही चूक असेल किंवा महिलांना लग्नानंतर आडनाव बदलायचे असेल तर ते करता येऊ शकते. नाव बदलणे UIDAI ऑनलाइन किंवा ऑफलाइन दोन्ही पद्धतीने केले जाऊ शकते. पण, आधार कार्डमधील नाव अपडेट फक्त दोनदाच करता (Name on Aadhar card) येईल. लिंग फक्त एकदाच बदलते अनेक आधार कार्ड बनवताना लिंग चुकीच्या पद्धतीने टाकले जाते. UIDAI च्या नियमांनुसार ते बदलले जाऊ शकते. तुम्हाला आधार कार्डमध्ये जेंडर अपडेट करण्याची फक्त एक संधी मिळेल. हे वाचा -  आयुष्यातील वाईट काळात आचार्य चाणक्यच्या या 5 गोष्टी कधी विसरू नका जन्मतारीख बदलण्यासाठी UIDAI ने बनवलेल्या नियमांनुसार, जर एखाद्या व्यक्तीने आधार कार्डमध्ये चुकीची जन्मतारीख टाकली असेल तर ती एकदाच अपडेट केली जाऊ शकते. त्यानंतर त्यात कोणतेही बदल करता येणार नाहीत. हे वाचा -  या 5 डाळींमधून मिळतं मुबलक प्रोटीन; पिळदार बॉडी बनवण्यासाठी असा करा उपयोग ही माहिती कितीही वेळा बदलता येते तुम्ही तुमच्या घराचा पत्ता, ईमेल आयडी, मोबाईल नंबर, फोटो, फिंगर प्रिंट आणि रेटिना स्कॅन आधारमध्ये वारंवार अपडेट करू शकता. त्यांना अपडेट करण्यासाठी कोणतीही मर्यादा निश्चित केलेली नाही.

• Follow us on