• Home
  • »
  • News
  • »
  • auto-and-tech
  • »
  • Mercedes-Benz ने लाँच केली 'मेड इन इंडिया' S-Class, पुण्यात होणार निर्मिती; वाचा काय आहे किंमत

Mercedes-Benz ने लाँच केली 'मेड इन इंडिया' S-Class, पुण्यात होणार निर्मिती; वाचा काय आहे किंमत

मर्सिडिझ-बेंझने भारतात त्यांची फ्लॅगशिप मेड इन इंडिया (Made in India Mercedes S-Class) अल्ट्रा लग्झरी सेडान एस-क्लास (S-Class) लाँच केली आहे.

  • Share this:
    पुणे, 07 ऑक्टोबर: मर्सिडिझ-बेंझने भारतात त्यांची फ्लॅगशिप मेड इन इंडिया (Made in India Mercedes S-Class) अल्ट्रा लग्झरी सेडान एस-क्लास (S-Class) लाँच केली आहे. भारतातील ही सर्वात मोठी लक्झरी कार उत्पादक कंपनी Mercedes S-Class भारतातच असेंबल करत आहे. याची निर्मिती पुण्याजवळील मर्सिडिझच्या चाकण प्लांटमध्ये केली जात आहे. मर्सिडीझ एस-क्लासच्या मेड इन इंडिया व्हर्जनमध्ये सीबीयू मॉडेलच्या तुलनेत बदल दिसतील. कंपनीच्या चाकण प्लांटमध्ये आतापर्यंत स्थानिक पातळीवर उत्पादित 1.3 लाख मर्सिडीझ-बेंझ कारचे उत्पादन करण्यात आले आहे. काय आहे किंमत? स्थानिक पातळीवर बनवलेल्या या S-क्लासची किंमत S 350 d साठी 1.57 कोटी रुपयांपासून तर S 450 4MATIC साठी 1.62 कोटी रुपयांपासून सुरू होत आहे.  यापूर्वी, एस-क्लास 350 डीची भारतात किरकोळ किंमत 2.17 कोटी  होती तर S 450 4MATIC  2.19 कोटींमध्ये लाँच करण्यात आली होती. दरम्यान आता यानंतर मर्सिडीज बेंझ भारतात 13 मॉडेल तयार करते. मर्सिडीज-बेंझ इंडियाने भारतीय ग्राहकांना एस-क्लासच्या 8250 पेक्षा जास्त युनिटची विक्री केली आहे. वाचा-केवळ 24000 रुपयांत Bajaj Pulsar खरेदी करण्याची संधी, पाहा काय आहे ऑफर S-class च्या CBU लाँचला भारतात भरघोस प्रतिसाद मिळाला होता. त्यानंतर कंपनी आता देशात मेड इन इंडिया व्हर्जन घेऊन आली आहे. मर्सिडीज-बेंझ इंडियाचे एमडी आणि सीईओ मार्टिन श्वेंक (Martin Schwenk, Managing Director & CEO, Mercedes-Benz India) म्हणाले की, ई-क्लास (E-Class) आणि जीएलसी (GLC) हे मर्सिडीज-बेंझ इंडियाचे सर्वाधिक विकले जाणारे मॉडेल आहेत. Mercedes-Benz India ने दिलेल्या माहितीनुसार, S-Class उत्पादनांमध्ये आधुनिक तंत्रज्ञान आणि इनोव्हेशनचा वापर करण्यात आला आहे. ड्रायव्हर आणि पॅसेंजर्ससाठी असणाऱ्या आवश्यकता आणि इच्छा लक्षात घेता याचे डिझाइन करण्यात आले आहे.
    Published by:Janhavi Bhatkar
    First published: