IED ब्लास्ट झाला तरी आतील प्रवासी सुरक्षित राहतील; जगातील सर्वात खतरनाक कारने प्रवास करतात पंतप्रधान मोदी

नवी दिल्ली, 16 ऑगस्ट : स्वातंत्र्याचा अमृत महोत्सव काल सोमवारी सर्वत्र साजरा केला. यावेळी 15 ऑगस्टला सकाळी जेव्हा पंतप्रधान नरेंद्र मोदी लाल किल्ल्याकडे यायला निघाले तेव्हा संपूर्ण जगाचे लक्ष त्यांच्याकडे होते. लाल किल्ल्यावर पंतप्रधान नरेंद्र मोदी यांची एंट्री ही Range Rover Sentinel या कारमध्ये झाली. ही कार जगातील सर्वात सुरक्षित आणि तितकीच खतरनाक कारपैकी एक आहे. पंतप्रधान नरेंद्र मोदी यांची Range Rover Sentinel ही कार कोणताही हल्ला सहज झेलू शकते. याच कारणामुळे या कारचा जगातील सर्वात सुरक्षित कारमध्ये समावेश केला जातो. पैकी एक आहे. हे एक चिलखती वाहन आहे, जे बॉम्ब आणि गोळ्यांचा हल्ला सहन करण्यास सक्षम आहे. पीएम मोदींची ही कार IED स्फोटही सहज सहन करू शकते. यावरून तिची सुरक्षा वैशिष्ट्ये कशी आहेत, हे लक्षात येऊ शकते. पंतप्रधान मोदी यांच्या Range Rover Sentinel या कारचे टायर खराब झाले तरीही 100 किमी पर्यंतचे अंतर सहज पार करू शकते. पाणी, चिखल आणि खडकांवरही ही कार सक्षमपणे चालवता येते. पीएम मोदींच्या कारचे सर्वात मोठे वैशिष्ट्य म्हणजे गॅस आणि केमिकल देखील हल्ल्याला निष्प्रभ करू शकतात. म्हणजेच या कारमध्ये बसलेली व्यक्ती बॉम्ब आणि गोळ्यांच्या हल्ल्यांपासून जितकी सुरक्षित आहे, तितकीच कोणत्याही प्रकारच्या रासायनिक हल्ल्यापासूनही सुरक्षित आहे. सर्वात शक्तिशाली इंजिन - Range Rover Sentinel या कारला जगातील सर्वात शक्तिशाली मानली जाते. याचे कारण म्हणजे या कारमध्ये Jaguar सोर्स्ड 5.0-लिटर, सुपरचार्ज्ड V8 इंजिन बसविण्यात आले आहे आणि हे शक्तिशाली इंजिन 375bhp ची कमाल पॉवर आणि 508Nm चा पीक टॉर्क जनरेट करण्यास सक्षम आहे. हेही वाचा -  भ्रष्टाचार आणि घराणेशाहीविरोधात लढण्यासाठी एकत्र या, लाल किल्ल्यावरून मोदींनी साधला काँग्रेसवर निशाणा किंमत किती? मिळालेल्या माहितीनुसार, पीएम मोदींच्या Range Rover Sentinel ची किंमत 10 ते 15 कोटींच्या दरम्यान आहे. यामध्ये पंतप्रधानांच्या सुरक्षेनुसार आणि पसंतीनुसार अनेक फीचर्स कस्टमाइज करण्यात आले आहेत.

• Follow us on