कसा जाईल आजचा दिवस; 29 ऑक्टोबर 2022 रोजीचं राशिभविष्य

आज दिनांक 29 ऑक्टोबर 2022. वार शनिवार. तिथी कार्तिक शुक्ल चतुर्थी /पंचमी. आज चंद्राचे भ्रमण धनु राशीतून होईल. पाहूया आजचे बारा राशींचे भविष्य. मेष वैवाहिक जीवन थोडं तणाव पूर्ण राहिल. दिवसाचा काही काळ हा चिंतनात घालवाल. राशीतील राहू मानसिक अस्वास्थ्य देईल. आर्थिक आणि व्यवसाय वृद्धी संभवते. भाग्यकारक दिवस चांगला जाईल. वृषभ आर्थिक बाबतीतली गणित वादग्रस्त ठरतील. काही निर्णय घेण्याची गरज पडेल. घरामध्ये कामाची जबाबदारी वाटेल. काळजी घ्या. गजाननाच्या कृपेने दिवस चांगला आहे. मिथुन चंद्राचे भ्रमण कामाच्या ठिकाणी भरपूर लाभ देईल. कार्य क्षेत्रात भरपूर काम राहिल. आर्थिक लाभ होतील. संतती आनंदी राहिल. जोडीदाराला मानसिक ताण संभवतो. दिवस बरा. कर्क तुमच्या मनासारख्या गोष्टी घडत नसल्या तरी फारसे त्रास देणारे ग्रहमान नाही. चंद्र गुरू केंद्र योग कार्यालयात जबाबदारी निर्माण करेल. गुरूची साथ आहे. दिवस उत्तम जाईल. सिंह भाग्य स्थानातील राहू भ्रमण आणि गुरू अष्टमात ही ग्रहस्थिती धर्माविषयी अनास्था निर्माण करेल. प्रकृती अस्वास्थ्य जाणवेल. पंचम चंद्र मात्र सामाजिक क्षेत्रात लाभ देईल. दिवस चांगला. कन्या आज तुमच्यावर घरातील व्यक्तीना सांभाळण्याची जबाबदारी येईल. त्यांना काहीतरी त्रास होतील. मित्र भेट संभवते. व्यावसायिक दृष्ट्या बरा दिवस. प्रकृती बरी राहिल. दिवस उत्तम. तूळ काही लाभ घेऊनच आजचा दिवस उगवेल. जास्तीचे काम करण्याचा, प्रवास, भेटीगाठीचा दिवस आहे. धार्मिक स्थळांना भेट द्यावी अशी इच्छा होईल. दिवस शुभ. वृश्चिक दिवस आज आनंदात घालवण्याचा आहे. आर्थिक लाभ संभवतात. मात्र जोडीदाराची काळजी घ्या. सहजीवन संथ राहिल. प्रवास टाळा. दिवस मध्यम आहे. धनु आज चंद्र कौटुंबिक सुखामध्ये गोडी निर्माण करेल. मानसिक ताण कमी होईल. संततीकडे लक्ष द्या कामाची गडबड राहिल. दिवस काही विशेष अनुभव देईल. मकर घरात काही अडचण असेल तर मदत करावी लागेल. कार्यालयात जास्तीचं काम येईल. प्रकृतीकडे लक्ष द्यावं लागेल. आर्थिक व्यय होतील. तसंच हितशत्रूपासून सावध राहा. दिवस मध्यम. कुंभ कुटुंबीयसोबत आनंदाने घालवण्याचा दिवस आहे. पर्यटन क्षेत्रात भरघोस यश देईल. वाचनात मन रमेल. भाग्य कारक गुरू यशाचा मार्ग दाखवेल. दिवस शुभ. मीन आज कार्यालयीन कामं पार पाडून तुम्ही थकून जाल. प्रवास योग आहेत. आर्थिक लाभ, काही खरेदी असा हा दिवस आहे. आईवडील खुश असतील. संतती आनंदी राहिल. दिवस मध्यम. शुभम भवतू!!

• Follow us on