दैनंदिन राशिभविष्य : दिवाळीत झालेल्या खर्चाचं टेन्शन सोडा; आज आर्थिक लाभ होणार

आज दिनांक 27 ऑक्टोबर 2022. गुरूवार. आज कार्तिक शुक्ल द्वितीया. आज चंद्राचे भ्रमण वृश्चिक राशीत होणार आहे. पाहूया आजचे बारा राशींचे भविष्य. मेष आज चंद्र अष्टम स्थानात असून मानसिक ताण निर्माण होईल. तृतीय स्थानातील मंगळ भावंडांची काळजी घ्या असं सुचवत आहे. स्वभाव रागीट होईल. मध्यम दिवस. वृषभ राशीच्या सप्तम स्थानात चंद्र आज शुभ वार्ता देईल. थोडी दगदग होईल. गृह सौख्य मिळेल. मित्रमैत्रिणींना भेटण्याचा, सामाजिक जीवनात जोडीदारासोबत आनंद घेण्याचा उत्तम दिवस आहे. मिथुन कार्यक्षेत्रातील वाढती जबाबदारी तुम्हाला फलदायी ठरेल. जोडीदाराशी संबंध सुधारण्याचे योग आहेत. आर्थिक घडामोडी होतील. आज काही महत्त्वाच्या भेटी होण्याची शक्यता आहे. दिवस शुभ. कर्क पंचम स्थानात चंद्र असून कौटुंबिक गोष्टीत मन रमेल. संतती संबंधी शुभ काळ. काहीसा तणाव वाटेल. प्रवास होतील. आर्थिक लाभ होतील. एकूण दिवस समाधानात जाईल. सिंह आज चंद्राचा दिवसावर अनुकूल प्रभाव पडेल. फार ताण घेऊ नका. घरामध्ये जास्तीचे काम पडेल. मित्रमैत्रिणी भेटतील. धार्मिक कार्य घडेल. दिवस मध्यम जाईल. कन्या तृतीय स्थानातील चंद्र घरगुती कामात वाढ करेल. खरेदीसाठी बाहेर जाण्याचं ठरेल. खर्च होईल. धार्मिक कार्यक्रम होईल. आनंद आणि उत्साहात दिवस पार पडेल. तूळ आज चंद्र उच्च प्रतीचे फळ देण्यास सज्ज आहे. शिक्षण आणि कार्यक्षेत्रात चांगला लाभ मिळेल. आर्थिक लाभ होतील. संततीसाठी भाग्यदायक योग. दिवस चांगला. वृश्चिक कुटुंबातील व्यक्तीसाठी काही तरी विशेष करण्याचा दिवस आहे. सामाजिक जीवनात यश मिळेल. भाग्य उदयास येईल. आर्थिक लाभ होतील. उच्च शिक्षणासाठी काही खर्च होईल. विद्यार्थ्यांना उत्तम दिवस. धनु आज कार्यक्षेत्रातील महत्त्वाच्या घडामोडींकडे लक्ष असू द्या. व्यय स्थानातील चंद्र घरगुती बाबीत खर्च देईल. तुमचे विरोधक सध्या बलवान आहेत. वैवाहिक जीवनात विशेष काळजी घ्या. दिवस शुभ. मकर प्रवास, घरामध्ये काही नवीन घटना, महत्त्वाचे फोन असा हा दिवस आहे. आर्थिक खर्च होतील. मित्रासोबत मजेत एकत्र दिवस घालवा. मार्गी शनी मनस्ताप देईल. दिवस चांगला. कुंभ आर्थिक लाभ करून देणारा दिवस आहे. चंद्र भ्रमण सर्व बाजूने मदत करेल. काही कौटुंबिक कार्यक्रमात सहभाग घ्याल. संततीला वेळ द्या. कार्यक्षेत्रात यश. प्रकृती जपा. दिवस शुभ. मीन भाग्य स्थानातील चंद्र मनःस्वास्थ्य देईल .शुभ घटना घडतील. मात्र दिवस एकूण खूप गडबडीत जाणार आहे. प्रत्येक क्षेत्रात यश मिळेल. उत्तम असा दिवस आहे. शुभम भवतू!!

• Follow us on