मुंबई, 12 मार्च : दोन वेळा आयपीएल स्पर्धा जिंकलेल्या कोलकाता नाईट रायडर्स (Kolkata Knight Riders) टीममध्ये आयपीएल स्पर्धेपूर्वी बदल झाला आहे. केकेआरचा ओपनिंग बॅटर अ‍ॅलेक्स हेल्सनं (Alex Hales) बायो-बबलचं कारण देत स्पर्धेतून माघार घेतली आहे. त्यामुळे हेल्सच्या जागी टी20 वर्ल्ड कप विजेत्या ऑस्ट्रेलियाचा कॅप्टन आरोन फिंचचा (Aaron Finch) केकेआरनं समावेश केला आहे. फिंचची ही नववी आयपीएल टीम आहे. केकेआरनं हेल्सला 1.50 कोटींमध्ये करारबद्ध केले होते. बायो-बबलच्या थकव्याचं कारण देत आयपीएल स्पर्धेतून माघार घेतलेला तो इंग्लंडचा दुसरा क्रिकेटपटू ठरला आहे. यापूर्वी गुजरात टायटन्सच्या जेसन रॉयनं (Jason Roy) आगामी सिझनमधून या कारणामुळे माघार घेतली आहे. लिमिटेड ओव्हर्स क्रिकेटचा मोठा अनुभव असलेल्या आरोन फिंचची ही नववी आयपीएल टीम आहे. फिंचनं आजवरच्या आयपीएल कारकिर्दीमध्ये 87 मॅचमध्ये 2005 रन केले आहेत. यामध्ये 14 अर्धशतकांचा समावेश आहे. केकेआरची पहिली मॅच 26 मार्च रोजी चेन्नई सुपर किंग्सविरूद्ध होणार आहे. त्याच काळात ऑस्ट्रेलियाची टीम पाकिस्तान विरूद्ध लिमिटेड ओव्हर्सची सीरिज खेळणार आहे. त्यामुळे फिंच सुरूवातीच्या मॅचमध्ये उपलब्ध नसेल.
केकेआरनं आयपीएल मेगा ऑक्शनपूर्वी आंद्रे रसेल, वरूण चक्रवर्ती, सुनील नरीन आणि व्यंकटेश अय्यर यांना रिटेन केले होते. त्यानंतर त्यांनी आगामी सिझनसाठी कॅप्टन म्हणून मुंबईकर श्रेयस अय्यरची (Shreyas Iyer) नियुक्ती केली आहे. श्रेयस यापूर्वी दिल्ली कॅपिटल्सचा (Delhi Capitals) कॅप्टन होता. IPL 2022 : लसिथ मलिंगाची नवी इनिंग, ‘यॉर्कर किंग’ बनला या टीमचा कोच! कोलकाता नाईट रायडर्सची संपूर्ण टीम व्यंकटेश अय्यर, नितीश राणा, श्रेयस अय्यर (कॅप्टन), शेल्डन जॅकसन, अजिंक्य रहाणे, रिंकू सिंग, आंद्रे रसेल, सुनिल नारायण, पॅट कमिन्स, शिवम मावी, वरुण चक्रवर्ती, सॅम बिलिंग्स, अनुकूल रॉय, रसीक सलाम, अभिजीत तोमर, प्रथम सिंग, अमन खान, रमेश कुमार, अशोक शर्मा, टीम साऊदी, आरोन फिंच, मोहम्मद नबी, उमेश यादव, बी इंद्रजीत, चामिका करुणारत्ने