तुळशी पाण्याचे फायदे
मुंबई 25 नोव्हेंबर : सनातन धर्मात तुळशीच्या रोपाची पूजा पवित्र मानून केली जाते. असे मानले जाते की ज्या घरात तुळशीचे रोप लावले जाते त्या घरात नकारात्मक ऊर्जा राहत नाही. यासोबतच घरात तुळशीचे रोप ठेवल्याने सुख-समृद्धी येते. तुळशीच्या रोपामध्ये देवी लक्ष्मी निवास करते आणि तुळशीच्या रोपाची पूजा केल्याने देवी लक्ष्मीसह भगवान विष्णूचा आशीर्वाद प्राप्त होतो, असे शास्त्रांमध्ये सांगण्यात आले आहे. वास्तुशास्त्रात असेही सांगितले आहे की, तुळशीच्या रोपाची रोज पूजा करणे शुभ असते. याशिवाय ज्योतिषशास्त्रातही तुळशीला उपयुक्त औषधी म्हणून वर्णन केले आहे. भोपाळचे ज्योतिषी आणि पंडित हितेंद्र कुमार शर्मा नशीब बदलण्यासाठी तुळशीच्या पाण्याचे सोपे उपाय सांगत आहेत. पाणी शिंपडा - वास्तुशास्त्रानुसार तुळशीची पाने पाण्यात भिजवून रात्रभर ठेवा. सकाळी हे पाणी घेऊन घरभर शिंपडा. वास्तुशास्त्रानुसार असे केल्याने घरातील नकारात्मक ऊर्जा दूर होते. यासोबतच घरात सुख-समृद्धीही येते. प्रत्येक इच्छा होईल पूर्ण - श्रीकृष्ण हा भगवान विष्णूचा अवतार आहे. भगवान श्रीकृष्णाला मार्गशीर्ष महिना अतिशय प्रिय आहे आणि या महिन्यात बालगोपालाला तुळशीच्या पाण्याने स्नान घातल्याने त्यांचे आशीर्वाद प्राप्त होतात. यासाठी तांब्या-पितळेच्या भांड्यात पाणी घेऊन त्यामध्ये तुळस ठेवावी. यानंतर या पाण्याने श्रीकृष्णाला स्नान घाला, असे मानले जाते की असे केल्याने भगवान श्रीकृष्ण लवकर प्रसन्न होतात आणि आपल्या भक्तांच्या मनोकामना पूर्ण करतात.
तुमच्या व्यवसायात प्रगती करण्यासाठी तुळशीचे पाणी खूप फायदेशीर आहे. यासाठी एका भांड्यात पाणी घेऊन त्यामध्ये तुळशीची पाने टाकून 2 ते 3 दिवस तशीच राहु द्या. यानंतर हे पाणी स्वतःवर शिंपडा. याशिवाय हे पाणी तुमच्या कामाच्या ठिकाणीही शिंपडता येते. वाचा - हनुमानाची या रुपातील मूर्ती/फोटो घरात लावणं असतं शुभ; संकटांचा होतो नाश (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)