Surya Grahan LIVE Today: ऑस्ट्रेलियातून सूर्यग्रहण कसं दिसतंय? घरबसल्या इथं लगेच पहा

मुंबई, 20 एप्रिल : वर्षातील पहिले सूर्यग्रहण सुरू असून आता ते ऑस्ट्रेलियात दिसायला सुरुवात झाली आहे. सूर्यग्रहण नेमकं कसं दिसतंय ते तुम्ही नासाच्या लाईव्ह स्ट्रीमिंगवरून पाहू शकता. 2023 वर्षातील पहिले सूर्यग्रहण आज 20 एप्रिल रोजी सकाळी 07.04 ते दुपारी 12.29 या वेळेत होणार आहे. हे सूर्यग्रहण भारतातून पाहता येणार नाही. हे सूर्यग्रहण फक्त ऑस्ट्रेलिया, हिंद महासागर, दक्षिण आशिया, प्रशांत महासागर आणि पूर्व आशियामधून पाहता येईल.

सूतक कालावधी वैध नाही?

फोटो सौजन्य : नासा

ग्रहणाचा सूतक काळ तेव्हाच वैध असतो जेव्हा ते पाहता येते. हे सूर्यग्रहण भारतातून पाहता येणार नाही, त्यामुळे त्याचा सूतक काळही वैध ठरणार नाही. सूतक कालावधी म्हणजे सूर्यग्रहण ज्या काळात होते आणि धार्मिक मान्यतांच्या आधारावर, सूतक कालावधी सुरू झाल्यावर लोकांना काही महत्त्वाच्या गोष्टींची काळजी घेणे आवश्यक असते. सूतक कालावधी भारतात वैध राहणार नाही, त्यामुळे सूतक कालावधीचे नियम पाळणे बंधनकारक असणार नाही.

या वर्षी एकूण 4 ग्रहणे होणार आहेत, त्यापैकी 2 सूर्यग्रहण असतील आणि उर्वरित 2 चंद्रग्रहण असतील. वर्षातील पहिले सूर्यग्रहण एप्रिल महिन्यात होणार आहे. जेव्हा चंद्र हा पृथ्वी आणि सूर्याच्या मध्ये येतो तेव्हा सूर्यग्रहण होते. जेव्हा सूर्य चंद्राच्या मागे येतो तेव्हा सूर्यग्रहण होते, ज्यामुळे पृथ्वी दिवसा काही मिनिटे किंवा तासांपर्यंत अंधारमय होते. त्याचबरोबर सूर्यग्रहणाविषयी काही धार्मिक मान्यता आहेत. ज्योतिषशास्त्रानुसार, सूर्यग्रहणाचा प्रभाव वेगवेगळ्या राशीच्या लोकांवरही पडतो, त्यामध्ये सूतक कालावधीही महत्त्वाचा असतो.

• First Published : April 20, 2023, 10:17 am IST