विशाखापट्टणम, 12 एप्रिल : देशभरात आज अनेक खरे सुपरहिरो आहेत, जे खरोखर देशाला कोरोनाच्या (Coronavirus) संकटातून वाचवण्यासाठी दिवसरात्र एकत्र करून काम करत आहेत. आपल्या कुटुंबाच्या काळजीपेक्षा देशाला महत्त्व देऊन हे ‘कोरोना कमांडो’ काम करत आहेत. पोलीस, डॉक्टर, नर्सेस तर आपली कामं करतच आहेत, पण त्याचबरोबर महापालिका अधिकाऱ्यांची कामही वाढली आहेत. अशीच आदर्श कहाणी आहे विशाखापट्टणम महानगरपालिकेच्या (GVMC) आयुक्त जी श्रीजना यांची. त्या मुलाला जन्म दिल्यानंतर अवघ्या 22 दिवसातच कामावर पुन्हा रूजू झाल्या आहेत. (हे वाचा- संतापजनक VIDEO! टवाळखोरांनी पोलिसांवर केला हल्ला, चक्क तलवारीने छाटला हात ) श्रीजना यांनी मुलाला जन्म दिल्यानंतर काही दिवसातच त्यांना कोव्हिड-19 मुळे कामावर परत यावं लागलं. त्यांची डिलिव्हरी झाल्यानंतर थोड्या दिवसातच लॉकडाऊन जाहीर करण्यात आला. आयुक्तांची जबाबदारी या परिस्थितीत महत्त्वाची असताना, श्रीजना यांनी कोणतीही तक्रार न करता 22 दिवसांच्या आतच ऑफिस गाठले. श्रीजना यांनी प्रतिक्रिया देताना म्हटले आहे की, त्या त्यांच्या जबाबदऱ्या पार पाडत असताना यामध्ये त्यांचे वकिल पती आणि आई सहकार्य करत आहेत. त्याचप्रमाणे त्या दर 4 तासांनी मुलाला स्तनपान करण्यासाठी घरी जातात आणि पुन्हा ऑफिसमध्ये परततात. या कठिण काळात महापालिकेचे काम करणे किती आवश्यक आहे याची जाणीव असल्यामुळे कामावर रूजू झाल्याची प्रतिक्रिया श्रीजना यांनी दिली आहे. (हे वाचा- लॉकडाऊनमध्ये दारू नाही मिळाली तर प्यायला सॅनिटायझर आणि… ) श्रीजना यांनी सांगितलं की कोरोना व्हायरसला संक्रमणापासून थांबवण्यासाठी जिल्हा प्रशासन एकत्रितपणे काम करत आहे. त्या पुढे म्हणाल्या की, जीव्हीएमसीकडून सॅनिटायझेशनसाठी योग्य खबरदारी घेण्यात येत आहे. त्याचप्रमाणे गोरगरिबांपर्यंत आवश्यक सेवा देखील पुरवण्यात येत आहे. सर्व स्तरावरील अधिकारी समन्वयाने काम करत असून विशाखापट्टणममध्ये कोरोनाला रोखण्यापासून कसं यशस्वी व्हायचं यासाठी सर्वजण प्रयत्नशील आहेत. संपादन- जान्हवी भाटकर