पिझ्झा
राहुल दवे, प्रतिनिधी इंदूर, 29 एप्रिल : मध्यप्रदेशच्या इंदूरमध्ये भारतीय खाद्यपदार्थांपासून ते चायनीज, इटालियन, मेक्सिकन, सर्व प्रकारचे खाद्यपदार्थ सहज उपलब्ध होतात. त्यामुळे इंदूर स्ट्रीट फूडसाठी सर्वात प्रसिद्ध आहे. येथील लोकांना स्ट्रीट फूड बनवण्याची आणि खाण्याची इतकी आवड आहे की, इंदूरचे रहिवासी परदेशी खाद्यपदार्थांमध्ये इंदोरी तडका देखील घालत आहेत.
तुम्हाला हे वाचून आश्चर्य होईल की, येथे तुम्हाला इटलीची प्रसिद्ध डिश पिझ्झा तसेच स्थानिक पदार्थही पाहायला मिळतात. मालवा येथे प्रत्येक खाद्यपदार्थासोबत शेव खाण्याची आवड सर्वांनाच माहीत आहे आणि आता हेच शेव पिझ्झामध्ये नवा ट्विस्ट तयार करत आहेत.
इंदूरचे लोक सकाळी पोह्यांसोबत शेव खातात. तसेच दुपारच्या जेवणातही ते शेव खातात आणि त्यानंतर संध्याकाळी स्ट्रीट फूडमध्ये शेव याठिकाणी पाहायला मिळते. ‘पिझ्झा द व्हील’ स्टॉलवर ‘सेव टोमॅटो पिझ्झा’ हा पिझ्झा उपलब्ध आहे आणि इंदोरी लोक त्याचा आस्वाद घेण्यात तल्लीन झालेले दिसत आहेत. पिझ्झामध्ये इंदोरी शेव तडका हे ऐकून तुम्हाला नक्कीच विचित्र वाटले असेल! पण हा खायला खूप चविष्ट लागतो. लहान मुले, तरुण आणि वडीलही याचा आनंद घेत आहेत. तुम्हालाही इटालियन डिशमध्ये इंदोरी तडकाचा आस्वाद घ्यायचा असेल, तर गोपूर स्क्वेअरवर असलेल्या चाट-चौपाटी येथे जाऊ शकतात. याशिवाय शहरात त्यांच्या पाच शाखा आहेत. दो गोपूर चौकात आणि राज मोहल्ला, बिचोली मर्दाना आणि बैरथी कॉलनी येथे प्रत्येकी 1 स्टॉल आहे. येथून तुम्ही ऑनलाइन पिझ्झा ऑर्डर करू शकता आणि 7974704314 मोबाईल नंबरवर कॉलही करू शकता. दुसरीकडे, या स्टॉलची ख्याती अशी आहे की, महाराष्ट्रातील अकोला येथे त्यांच्या 6 शाखा आहेत आणि आता लवकरच त्यांची शाखा गुजरातमध्येही सुरू होणार आहे.