JOIN US
मराठी बातम्या / देश / गुजरातमध्ये पावसाने हाहाकार, शहरांमध्ये घुसले पाणी; गायी, गाड्या गेल्या वाहून, VIDEO VIRAL

गुजरातमध्ये पावसाने हाहाकार, शहरांमध्ये घुसले पाणी; गायी, गाड्या गेल्या वाहून, VIDEO VIRAL

गुजरातमध्ये इतका पाऊस पडलाय की घरांमध्ये पाणी शिरलं आहे. पावसात रस्त्यावरील गाड्या बुडाल्या आहेत. शहराला समुद्राचं रुप आलं आहे.

जाहिरात

गुजरातमध्ये पावसाचा हाहाकार, पुरात वाहून गेली जनावरे

संबंधित व्हिडिओ
जाहिरात
News18 लोकमत व्हॉट्सअ‍ॅप चॅनलला फॉलो करा

अहमदाबाद, 22 जुलै : गुजरातमध्ये पावसाची संततधार सुरू असून अनेक भागात पूरस्थिती निर्माण झाली आहे. यामुळे जनजीवन विस्कळीत झाले आहे. जुनागढ आणि नवसारीत पावसामुळे महापूर आला असून घरांमध्ये पाणी शिरले आहे. इथले व्हिडीओ सोशल मीडियावर व्हायरल होत आहे. पुराच्या पाण्याचा प्रवाह जोरदार असून यात जनावरे, गाड्या वाहून जात आहेत. नवसारी जिल्ह्यात चार तासात १३ इंच पावसामुळे पूर आला आहे. सखल भागात घरांमध्ये पाच फुटांपर्यंत पाणी भरलं आहे. रस्ते बंद झाल्यानं संपर्क तुटला आहे. गिरनार आणि दातार पर्वतावर मुसळधार पाऊस असल्यानं कालवा नदीचे पाणी पात्राबाहेर पडलं आहे. हवामान विभागाने आज भावनगर, नवसारी आणि वलसाडमध्ये रेड अलर्ट जारी केला आहे. भय इथलं संपत नाही, महाराष्ट्रावर आलेल्या अस्मानी संकटाचे श्वास रोखून धरणारे 5 VIDEO

संबंधित बातम्या

जुनागढमध्ये बुधवारी सकाळपासून मुसळधार पाऊस होत आहे. हवामान विभागाकडून देण्यात आलेल्या आकडेवारीनुसार, जुनागढमध्ये सकाळी ६ ते ८ या वेळेत मुसळधार पाऊस झाला. मुसळधार पावसामुळे पुराची स्थिती आहे. बुधवारी जुनागढ जिल्ह्यात मांगरोळमध्ये ८.९ इंच पाऊस झाला. मालियाहाटिनात ६.२ इंच, वेरावलमध्ये ४.२ इंच तर सुत्रपाडामध्ये २.७ इंच पावसाची नोंद झाली. पावसामुळे सर्वाधिक परिणाम गीर सोमनाथ, जूनागढ, राजकोट जिल्ह्यात झाला आहे. गुजरातमध्ये इतका पाऊस पडलाय की घरांमध्ये पाणी शिरलं आहे. पावसात रस्त्यावरील गाड्या बुडाल्या आहेत. शहराला समुद्राचं रुप आलं आहे. सगळीकडे पाणीच पाणी असून जनजीवन ठप्प झालं आहे. एनडीआरएफच्या तुकड्या तैनात करण्यात आल्या असून नागरिकांचे सुरक्षित स्थळी स्थलांतर केलं जात आहे.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

फोटो

महत्वाच्या बातम्या