सोलापूर, 19 जून : सोलापुरात अल्पवयीन मुलीच्या विनयभंगाची धक्कादायक घटना CCTV च्या कॅमेऱ्यात कैद झाली आहे. या घटनेनंतर पुन्हा एकदा महिलांच्या सुरक्षेचा प्रश्न समोर उभा राहिला आहे. सोलापुरातील मुख्य भागात तरुणीचा विनयभंग करण्याचा प्रयत्न झाल्याचं समोर आलं आहे. एका नराधमाकडून भर रस्त्यात अल्पवयीन मुलीला रस्त्याच्या कडेला नेत केला विनयभंग करण्याचा प्रयत्न करण्यात आला होता. विनयभंगाची संपूर्ण घटना CCTV कॅमेऱ्यात कैद झाली आहे. अनोळखी व्यक्ती भर रस्त्यावर पीडितेला जवळ ओढून घेत असल्याचं दिसून येत आहे. तरुणीने चलाखीने स्वत:ची सुटका करून घेतली. ही घटना सकाळी 7 च्या सुमारास घडल्याने सर्वत्र खळबळ उडाली आहे. या घटनेमुळे शहरातील कायदा आणि सुव्यवस्थेवर प्रश्नचिन्ह निर्माण झाले आहे.
दरम्यान काल राजगड पायथा गुंजवणे येथे राजगड घेरा व गुंजवणे गावाच्या हद्दीवर (सतीचा माळ) येथे एका तरुणीचा मृतदेह कुजलेल्या अवस्थेत आढळून आल्याने खळबळ उडाली आहे. याची माहिती मिळताच वेल्हे पोलीस स्टेशनचे सहायक पोलीस निरीक्षक मनोज पवार यांनी घटनास्थळी पाहणी केली. आईने चुकून मुलीला पाण्याऐवजी स्पिरीट दिलं; काहीच मिनिटात मृत्यू, नेमकं काय घडलं? स्थानिक माहितीच्या आधारे तिच्या कुटुंबातील लोकांशी संपर्क करून तिची ओळख पटविण्यात यश मिळवले. दर्शना दत्तू पवार (वय 26, मूळ राहणार सहजानंद नगर ता. कोपरगाव) असे मृत तरुणीचे नाव आहे. संबंधित तरुणी महाराष्ट्र लोकसेवा आयोगाची परीक्षा उत्तीर्ण झाल्याचीही माहिती मिळत आहे.