मुजीब शेख, नांदेड, 18 एप्रिल : माझ्या अयशस्वी आयुष्याला कंटाळून टोकाचं पाऊल उचलत असल्याची चिठ्ठी लिहूनव २३ वर्षीय तरुणाने आत्महत्या केल्याची धक्कादायक घटना घडलीय. लोहा शहरात सोमवारी ही घटना उघडकीस आली असून प्रशांत पंढरी ढवळे असं आत्महत्या केलेल्या तरुणाचं नाव आहे. आई आणि अण्णा मला माफ करा..मी माझ्या अनसक्सेस आयुष्याला कंटाळलो आहे..माझ्या समोर जगण्याचं कोणतेच ध्येय राहील नाहीये..मी कोणत्या मुलीसाठी नाही तर माझ्या अनसक्सेस लाईफ ला कंटाळून टोकाचं पाऊल उचलत आहे असं तरुणाने चिठ्ठीत म्हटलंय. याबाबत मिळालेली माहिती अशी की, २३ वर्षीय प्रशांत ढवळे हा आपल्या कुटुंबियांना सोबत लोहा शहरातील इंदिरा नगर मध्ये राहत होता. एका खाजगी रुग्णालयात तो काम करायचा. बीएससी नंतर तो डीएमएलटी चं शिक्षण देखील घेत होता. काही तरी करून दाखवायचं त्याच स्वप्न होतं. त्यामुळे त्याने सातत्याने स्पर्धा परीक्षा दिली. पोलीस भरतीत ही तो उतरला. मात्र यात अपयश मिळत असल्याने हतलब झाला होता. शेतात पूजा रचली, एकाच वेळी बायको आणि नवऱ्याचं शीर धडा वेगळं झालं, मन सुन्न करणारं कारण समोर रविवारी मध्यरात्री तो आपल्या रूम मध्ये गेला. आतून त्याने कोंडी लावली त्यानंतर लोखंडी रॉडला दोरी बांधून त्याने गळफास घेतला. सकाळी उशीरा पर्यंत दरवाजा बंद असल्याने कुटुंबियांने दरवाजा ठोठावला. मात्र काही प्रतिसाद मिळत नव्हता. शेवटी दरवाजा तोडून आत प्रवेश केल्या नंतर प्रशांतचा मृतदेह लटकलेल्या अवस्थेत आढळून आला. आत्महत्येपूर्वी प्रशांतने चिठ्ठी देखील लिहिली होती. घटनेची माहिती मिळाल्यानंतर लोहा पोलिसांनी घटनास्थळी धाव घेतली. पोलिसांनी पंचनामा करुन आकस्मिक मृत्यूची नोंद केली. या घटनेने परिसरात हळहळ व्यक्त होतं आहे. अण्णा आणि आई माफ करा मला, मी कायमच तुम्हाला सोडून जायायचं निर्णय घेतला आहे. हे टोकाचं पाऊल कोणत्या मुलीसाठी किंवा तिच्या प्रेमासाठी उचलत नाही. मी कोणत्या ही मुलीवर प्रेम करत नाही.एवढा मोठा निर्णय घेण्याचं कारण एकच आहे की मी माझ्या अनसक्सेस लाईफ ला कंटाळलो आहे. मला जगण्याचं कोणतच कारण समोर दिसत नाही. माझ्या समोर कोणतेच ध्येय उरले नाही तसेच कुठल्या ही प्रकारची मेहनत घेण्याची इच्छा नाही. अण्णा इथून पुढे तरी आईला त्रास देऊ नका. हीच माझी आखरी इच्छा समजा. असे अनेक भावना त्याने चिट्टीत लिहून आपलं आयुष्य संपवल.