घटनास्थळाचा फोटो
बीड, 3 मार्च : बीड जिल्ह्यातून एक धक्कादायक घटना समोर आली आहे. स्वयंपाक करताना स्फोट झाला. या भीषण दुर्घटनेत लेकीचा मृत्यू झाला असून तिची आई गंभीर जखमी झाली आहे. विक्रीसाठी आणून ठेवलेल्या पेट्रोल कॅनचा स्फोट झाल्याने ही भीषण दुर्घटना घडली. नेमकं काय घडलं - स्वयंपाक करताना घरातील वस्तूने पेट घेतला. त्याचवेळी विक्रीसाठी आणलेल्या पेट्रोलच्या कॅनचा मोठा स्फोट झाला. यामध्ये मुलगी जळून जागीच ठार तर आई गंभीर जखमी झाली आहे. कमल आश्रुबा इंगळे (रा. आडस, ता. केज ) असे मृताचे नाव आहे. तर लोचनाबाई आश्रुबा इंगळे, असे गंभीर जखमी महिलेचे नाव आहे. गंभीर जखमी महिलेवर अंबाजोगाई येथे स्वाराती रुग्णालयात उपचार सुरू आहेत. बीडच्या आडस येथील या घटनेने खळबळ उडाली आहे. या दोन्ही नात्याने मुलगी व आई आहेत. त्यांना दिनेश इंगळे हा दिव्यांग मुलगा असून तो कुटुंबाचा उदरनिर्वाह चालविण्यासाठी पानटपरी चालवतो. तसेच पानटपरी सोबतच तो पेट्रोल विक्रीसाठी ठेवतो. रात्री 7 ते 8 च्या सुमारास घरात मुलगी व आई दोघे मिळून स्वयंपाक करताना अचानक घराने पेट घेतला. बीड : बहिणीच्या लग्नानंतर बाप म्हणाला शाळेत जा, 7 वीच्या मुलानं विषयच संपवला पेटते घर पाहून आई आणि मुलीने आग विझविण्याचा प्रयत्न केला. यावेळी अचानक स्फोट झाला. आगीने रौद्ररूप धारण केले. यामुळे कमल इंगळे या जळून जागीच ठार झाल्या तर आई भाजल्याने गंभीर जखमी झाली. हा स्फोट पेट्रोलचा झाल्याचा अंदाज आहे. धारुर अग्निशामक दल लाचा अथक परिश्रमाने आगीवर नियंत्रण मिळवण्यात आले. या घटनेने आडस व परिसरात एकच खळबळ माजली आहे.