Vitamin D
नवी दिल्ली, 09 नोव्हेंबर : आपल्या सर्वांना माहीतच आहे की, निरोगी शरीरासाठी प्रथिने, जीवनसत्त्वे आणि कॅल्शियम सारख्या अनेक खनिजे आणि पोषक तत्वांची योग्य प्रमाणात आवश्यकता असते. आजच्या धकाधकीच्या जीवनात आणि व्यग्र वेळापत्रकात स्वतःसाठी वेळ काढणे खूप कठीण झाले आहे, त्यामुळे शरीरात पोषक तत्वांची कमतरता भासते, त्यामुळे पुढे विविध आजार आणि शारीरिक समस्या वाढतात. निरोगी राहण्यासोबतच निरोगी त्वचा आणि मजबूत केसांसाठीही शरीराला जीवनसत्त्वांची गरज असते. ज्यामध्ये व्हिटॅमिन डी खूप महत्त्वाची भूमिका बजावते, व्हिटॅमिन डी मजबूत हाडांसाठी आणि प्रतिकारशक्ती वाढवण्यासाठी तसेच निरोगी त्वचा आणि केसांसाठी आवश्यक आहे. आहारात व्हिटॅमिन डी समाविष्ट करण्यासाठी तुम्ही अंडी, संत्री, दूध, मशरूम, दही, व्होल ग्रेन, मांस आणि मासे घेऊ शकता. केस आणि त्वचेसाठी व्हिटॅमिन डी किती महत्त्वाचे आहे ते पाहुया. त्वचेसाठी व्हिटॅमिन डीचे महत्त्व - OnlyMyHealth.com च्या माहितीनुसार, निरोगी त्वचेसाठी योग्य प्रमाणात व्हिटॅमिन डी मिळणे खूप महत्त्वाचे आहे. व्हिटॅमिन डीच्या कमतरतेमुळे सोरायसिस आणि एक्जिमासारख्या त्वचेच्या अनेक आजारांचा धोका वाढतो. सूर्यप्रकाश हा व्हिटॅमिन डीचा नैसर्गिक आणि सर्वांगीण स्रोत आहे. त्यामुळेच डॉक्टर काही वेळ घराबाहेर उन्हात घालवायला सांगतात, पण उन्हात जास्त वेळ घालवल्याने त्वचेचे नुकसान, अकाली वृद्धत्व आणि त्वचेचे रंगद्रव्यही खराब होऊ शकते. म्हणूनच सूर्यप्रकाश आणि व्हिटॅमिन डी सप्लिमेंट्सचा योग्य प्रमाणात वापर करा. हे वाचा - हिवाळ्यात मुळा नक्की खा, पण या पदार्थांसोबत अजिबात नाही; अन्यथा होईल नुकसान केसांसाठी व्हिटॅमिन डीचे महत्त्व - योग्य काळजी घेतल्यावरही जर तुमचे केस कमकुवत आणि निर्जीव दिसत असतील, तर याचे प्रमुख कारण व्हिटॅमिन डीची कमतरता असू शकते. व्हिटॅमिन डीची कमतरता केस गळणे आणि केस कोरडे होणे किंवा केस कमकुवत होणे, या तक्रारी महिला आणि पुरुषांमध्ये समान प्रमाणात दिसून येतात.
शरीरात व्हिटॅमिनच्या कमतरतेमुळे केसांमध्ये अशा समस्या दिसू लागतात कारण व्हिटॅमिनच्या कमतरतेमुळे सीरम कमी होऊ लागतो, ज्यामुळे केसगळतीपासून केसांचे संरक्षण होते. मजबूत आणि सुंदर केसांसाठी तुम्ही तुमच्या आहारात व्हिटॅमिन डी सप्लिमेंट्स आणि पदार्थांचा समावेश करू शकता.