मुंबई, 05 जून : प्रत्येक व्यक्तीमध्ये काही ना काही खासियत असते. ती खास गोष्ट त्या व्यक्तीला इतरांपेक्षा वेगळी बनवते. एखाद्या व्यक्तीचे वर्तन आणि त्याचे व्यक्तिमत्व सर्वकाही त्याच्या जन्मतारखेवर अवलंबून असते. ज्या महिन्यात व्यक्तीचा जन्म झाला त्याचा त्याच्या व्यक्तिमत्त्वावर खोलवर परिणाम होतो. प्रकृती, भविष्यातील घडामोडी, करिअर, लग्न आदींबरोबरच इतर काही गोष्टींचा मागोवा एखाद्या व्यक्तीच्या जन्म महिन्यावरून घेता येतो. आजच्या लेखात आपण त्या व्यक्तींबद्दल जाणून घेणार आहोत, ज्यांचा जन्म जून महिन्यात (June Born Person) झाला होता. जून महिन्यात जन्मलेले लोक कसे असतात, याबद्दल सविस्तर माहिती भोपाळचे ज्योतिषी आणि पंडित हितेंद्र कुमार शर्मा यांनी दिली आहे. त्यांच्या स्वभाव, करिअर आणि लग्नाशी संबंधित काही गोष्टी जाणून घेऊया. मूड - जून महिन्यात जन्मलेल्या लोकांचा स्वभाव अतिशय साधा असतो. त्यांच्या साध्या स्वभावामुळे प्रत्येक व्यक्तीला त्यांच्याशी मैत्री करावीशी वाटते. विशेष प्रकारचे आकर्षण असल्यामुळे ते सर्वांना त्यांच्याकडे सहज आकर्षित करतात. जूनमध्ये जन्मलेल्या लोकांना लग्झरी लाइफस्टाइल खूप आवडते. त्यामुळे ते ब्रँडेड कपडे आणि महागड्या घड्याळांचे शौकीन असतात. करिअर - जून महिन्यात जन्मलेले लोक नोकरी करण्यास फारसे अनुकूल नाहीत. सोप्या भाषेत सांगायचे तर, त्यांना कोणाच्या हाताखाली काम करणे अजिबात आवडत नाही. काही प्रकरणांमध्ये किंवा सरकारी नोकऱ्यांच्या बाबतीत जूनमध्ये जन्मलेले लोक सैन्यात, पोलीस खात्यात, वकील, पत्रकार किंवा कारकूनमध्ये सामील होण्याचा विचार करतात. याशिवाय त्यांना स्वतःचा व्यवसाय करायला आवडते. हे वाचा - वजन कमी करण्यासाठी चिया सीड्सचा असा करा वापर; आरोग्यासाठी आहेत अनेक फायदे हट्टी पण असतात - जूनमध्ये जन्मलेले लोक स्वभावाने खूप हट्टी असतात. ते सर्जनशील स्वभावाचे आहेत. एखादी गोष्ट करण्याचा निश्चय केला की, ती पूर्ण केल्यानंतरच थांबतात. हे लोक स्वतःचा मार्ग स्वतः बनवण्यावर विश्वास ठेवतात. हे वाचा - पारले-जी बिस्कीट, तूप-लोणी खाऊनसुद्धा महिलेनं 40 KG वजन घटवलं; सांगितला हा उपाय प्रेम आणि लग्न - जून महिन्यात जन्मलेले लोक प्रेमाच्या बाबतीत खूप विश्वासार्ह असतात. ते त्यांच्या प्रेमाबद्दल खूप गंभीर असतात, परंतु ते कोणावर प्रेम करतात हे सांगण्यास थोडेसे कचरतात. जूनमध्ये जन्मलेले लोक फक्त एकाच व्यक्तीवर प्रेम करतात आणि त्यांचे संपूर्ण आयुष्य त्यांच्यासोबत घालवतात. त्यांचे वैवाहिक जीवन खूप चांगले आणि यशस्वी होते. (सूचना : येथे दिलेली माहिती सामान्य ज्योतिषशास्त्राच्या माहितीवर आधारित आहे. न्यूज 18 लोकमत त्याची हमी देत नाही.)