प्रतिकात्मक फोटो
Heatwave and Layoffs : गेल्या आठवड्यात आणि या आठवड्याच्या सुरुवातीला झालेल्या पावसामुळे हवामानात बदल होण्यापूर्वीच अचानक उष्णता वाढत आहे. भारतीय हवामान खात्याचा अंदाज आहे की, यावर्षी उष्णतेची लाट लोकांना होरपळून टाकेल. इतकेच नाही तर प्राणी आणि जंगलांवरही उष्ण वाऱ्याचा वाईट परिणाम होणार आहे. त्यामुळे पर्यावरणाची मोठी हानी होण्याची शक्यता आहे. तर यासोबतच जागतिक बँकेनेही उष्णतेबाबत गंभीर इशारा दिला आहे. जागतिक बँकेचे म्हणणे आहे की, तापमानात सातत्याने होणारी वाढ केवळ या वर्षीच नव्हे तर पुढील अनेक वर्ष सामान्य जीवनावर खूप वाईट परिणाम करेल. त्यामुळे मानवी जीवनावर अनेक प्रकारे संकटाचे ढग दाटून राहतील. जागतिक बँकेच्या ‘क्लायमेट इन्व्हेस्टमेंट अपॉर्च्युनिटी इन इंडियाज कूलिंग सेक्टर’ या अहवालात म्हटले आहे की, वाढते तापमान आणि हवामान बदल यामुळे मानवी जीवनाला दुहेरी धोका निर्माण होईल. हवामानशास्त्रज्ञांनी मार्च 2022 मध्येच इशारा दिला होता की, यावर्षी देशात उष्णतेची तीव्र लाट येईल आणि तसेच झाले आणि उष्णतेने देशभरातील लोक होरपळून निघाले. फेब्रुवारी 2023 मध्येही अचानक हवामान बदलले आणि लोकांना जून-जुलैमध्ये सौम्य थंडी जाणवू लागली. हवामान खात्याने सांगितले की, गेल्या 17 वर्षांतील या वर्षी फेब्रुवारी महिना सर्वाधिक उष्ण होता. यंदाही उष्णतेच्या लाटेचा सामान्य जनजीवनावर वाईट परिणाम होईल, असा अंदाज आता हवामान खात्याने पुन्हा वर्तवला आहे. नोकरी गमावण्याशी याचा काय संबंध? तर जागतिक बँकेने आपल्या अहवालात एकीकडे म्हटले आहे की, यावर्षी उष्णतेच्या लाटेचा लोकांच्या आरोग्यावर वाईट परिणाम होणार आहे. दुसरीकडे उष्ण वारे वाहत असल्याने उत्पादकतेवरही परिणाम होणार असल्याचे स्पष्टपणे सांगण्यात आले आहे. उत्पादकता घटल्याने रोजगारावर परिणाम होईल. यासोबतच, अहवालात असे म्हटले आहे की, सतत वाढणाऱ्या उन्हाळ्याच्या महिन्यांमुळे, जगभरातील 80 दशलक्ष लोक वेगळ्या 7 वर्षांत म्हणजे 2030 पर्यंत त्यांच्या नोकऱ्या गमावू शकतात. खराब हवामानामुळे, यापैकी एकट्या भारतातच 30 दशलक्ष नोकर्‍या जाणार आहेत. क्रिप्टोमध्ये गुंतवणूक करत आहात सावधान; तुमचीही होऊ शकते ‘अशी’ फसवणूक पाणी, जंगल, जमीन आणि जीवनावर परिणाम - या वर्षीही देशभरात उष्णतेची तीव्र लाट असेल, असा भारतीय हवामान खात्याचा अंदाज आहे. एवढेच नाही तर वर्षानुवर्षे ही मालिका वाढत जाणार आहे. त्यामुळे सतत वाढणाऱ्या उष्णतेचा तुमच्या आणि आमच्या जीवनावर थेट परिणाम होण्याची शक्यता आहे. तीव्र उष्णतेचा पाणी, जंगल, जमीन आणि सामान्य जीवनावर खूप वाईट परिणाम होईल. यावर्षी फेब्रुवारीमध्ये कमाल तापमान 33 अंश सेल्सिअसच्या पुढे गेले होते. इतकेच नाही तर फेब्रुवारी 2023 मध्ये असे 6 दिवस होते जेव्हा कमाल तापमान 30 अंश सेल्सिअस नोंदवले गेले होते. केवळ दिल्ली, राजस्थान, हरियाणाच नाही तर उत्तर प्रदेश, मध्य प्रदेश, गुजरात, पंजाब, छत्तीसगड, महाराष्ट्रासह अनेक राज्यांमध्ये फेब्रुवारी महिन्यात लोकांना मे-जूनच्या उन्हाचा तडाखा जाणवत होता.