फाईल फोटो
पुणे, 7 मार्च : राज्यात दिवसेंदिवस गुन्हेगारीच्या घटनांमध्ये वाढ होत आहेत. अनैतिक संबंधातून हत्या, आत्महत्येच्या घटना राज्यात सातत्याने घडत असल्याचे चित्र आहे. त्यातच आता आणखी एक धक्कादायक घटना समोर आली आहे. अनैतिक संबंधात अडथळा ठरणाऱ्या चिमुरडीचा प्रियकराच्या मदतीने आईनेच खून केला. या घटनेने मोठी खळबळ उडाली आहे. काय आहे संपूर्ण प्रकरण - खडकी पोलिसांना तीन दिवसांपूर्वी एका 3 वर्षांच्या मुलीचा खून केलेल्या अवस्थेतील मृतदेह आढळून आला होता. या गुन्ह्याचा तपास करत मुलीच्या आईसह प्रियकरास अटक केली आहे. अनैतिक संबंधात अडथळा ठरत असल्याने चिमुरडीचा आईनेच प्रियकराच्या मदतीने खून केल्याचे समोर आले आहे. त्यामुळे याप्रकरणी लक्ष्मी संतोष गवई (26) व संतोष देवमन जामनिक (वय-25, दोघे रा.खेरपुडी, ता.बाळापूर, जि. अकोला) यांना अटक करण्यात आली आहे. रेल्वे प्रवासात चिमुरडीचा खून - आरोपी लक्ष्मी आणि संतोष हे अकोला जिल्ह्यातील एकाच गावचे रहिवासी आहे. त्या दोघांमध्ये अनैतिक संबंध होते. त्यामुळे त्यांना गाव सोडून जायचे. आणि त्यांनी गाव सोडून पुण्याला जाण्याचे ठरवले. त्यामुळे 1 मार्चला ते गावातून पुण्यास येण्यासाठी निघाले. मात्र, यावेळी लक्ष्मीने तिच्यासोबत 3 वर्षांची मुलगी आणली होती. पाण्याचा फुगा मारल्याचा जाब विचारला म्हणून बाप-लेकावर कोयत्याने वार, पुण्यातील हादरवणारी घटना लक्ष्मीने सोबत आपली मुलगी आणल्याने रेल्वे प्रवासात त्यांच्यात भांडणे झाली. यावेळी आरोपीने मुलीस पट्ट्याने मारहाण करत तिचा गळा आवळून खून केला. त्यानंतर ते दोघे खडकी रेल्वे स्टेशनवर आल्यानंतर त्यांनी जवळील मोकळ्या मैदानात जाऊन मुलीचा मृतदेह टाकून ते पसार झाले. यानंतर 2 मार्चला खडकी रेल्वे स्टेशन ते खडबी बाजार रस्त्यावर सीएफडी मैदानाजवळ तीन वर्षांचा मुलीचा मृतदेह आढळला होता. याप्रकरणी पोलिसांनी तपास केला असता धक्कादायक माहिती समोर आली. अनैतिक संबंधात अडथळा ठरणाऱ्या चिमुरडीचा प्रियकराच्या मदतीने आईनेच खून केला. प्रियकर आणि विवाहित प्रेयसी हे दोन्ही अकोल्यातील आहेत. या घटनेने मोठी खळबळ उडाली आहे.